Во синоќешното гостување во емисијата „Клик Плус“ на телевизија Тв21, Артан Груби кој е поранешен пратеник на ДУИ одговарајќи на прашањето за формирање влада по престојните избори закажани за 15 јули, јавно изјави дека со своите гласови во Собранието неговата партија, го направи Зоран Заев премиер за да го смени Уставот и името на Македонија.

Груби вели иако се постапило против вољата на граѓаните, ДУИ не се кае за изборот на Заев, бидејќи со него постигнале многу големи работи како воведувањето на двојазичноста, така и потпишувањето на договорите за Грција и Бугарија.

Груби додаде дека тоа е причината поради која одлучиле да го поддржат и да му ги дадат гласовите на нивните пратеници во Собранието за Зоран Заев да биде премиер на Македонија.

-Со СДСМ и Зоран Заев направивме многу големи работи и ние во ниту еден момент не се покајавме. Ние бевме многу свесни кога одлучивме на Зоран Заев да му ги дадеме гласовите за да го направиме премиер. Ние го направивме Зоран Заев премиер за да го смени уставот и да го смени името. Го направивме Зоран Заев премиер за да го потпише договорот со Грција и со Бугарија, за да ја направи јазичната еднаквост. Со полна свест и убедување го направивме тој чекор кој беше различен од тоа што граѓаните имаа гласано во 2016 година, рече Груби.