ГРУЕВСКИ: Нека е вечно ВМРО-ДПМНЕ и честитки до основачите на партијата за нивната визија и храброст!

На сите членови на ВМРО-ДПМНЕ им го честитам 30-тиот роденден на партијата која ги возобнови идеалите и стремежот на Внатрешната Македонска Револуционерна Организација во една демократска рамка на современото време, пишува Груевски!

Фото/Текст извор: ©Магазин.мк

Екс лидерот на ВМРО-ДПМНЕ, Никола Груевски упати честитка по повод 30-тиот роденден на ВМРО-ДПМНЕ и им честиташе на основачите на партијата за нивната визија и храброст за придонесот кон партијата во текот на изминатите години!

Време во кое македонската нација, Македонците и сите граѓани на Република Македонија и македонската дијаспора создадоа независна и суверена држава и соочувајќи се со многу предизвици, подеми и падови, макотрпно ја издигаа во нејзиниот развој, особено силно кога Македонија ја предводеше ВМРО-ДПМНЕ.

Честитки и почит кон основачите на партијата за нивната визија и храброст, но и кон сите кои подоцна со својот активизам и силна посветеност се вградија во развојот, изградбата, јакнењето и успесите на партијата и на нашата татковина Македонија, заради која постои ВМРО-ДПМНЕ, вели Груевски!

Нека е вечно ВМРО!
Нека е вечна ВМРО-ДПМНЕ!
Нека е вечна Македонија!

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.