Унгарскиот портал 444.hu објави видео од бившиот премиер на Република Македонија Никола Груевски, како се шета во трговскиот центар „Вест енд сити“(WestEndCity), кој се наоѓа точно во центарот на Будимпешта на познатата улица „Ваци“.

Никола Груевски се шетал во трговскиот центар, веќе кога бил испразнет, пред да се затворат продавниците. Тој е главна атракција на унгарските медиуми, кои го снимаат и фотографираат насекаде, трговски центри и луксузни ресторани.

– Во речиси празен трговски центар и затворени продавници, се шета спокојно. Да, со големи гради се чувствуваш целосно безбеден, пишува порталот 444.ху, пренесувајќи го коментарот на авторот на видеото.

Груевски побегна во Будимпешта во ноември минатата година, и го избегна одржувањето на затворската казна од две години колку што беше осуден во случајот „Тенк“.