Во телефонско јавување во емисијата „Стадион“ на Канал 77, на кое гостуваше заменик претседателката на СДСМ, Фани Каранфилова Пановска, пратеникот и член на ИК на ВМРО-ДПМНЕ, Миле Лефков постави неколку прашања кон гостинката за кои побара нејзин став.

„Првото прашање е дали го чувствувате Зоран Заев како политички товар и дали како ново раководство ќе се оградите од него?“, праша Лефков и продоложи:

„Дали Дамева и Коцевски ги сметате како професионалци и дали добро си ја вршеа работата. Трето прашање, Каранфилова Пановска, како советник во министерството со коешто раководеше Маричиќ, има информации дека имало трошење на средствата од ЕУ кои беа под лупа на Европската канцеларија за измами, за коишто половина од истрагите за Западен Балкан беа кон Македонија, дали чувствувате одговорност бидејќи нема судски епилог за истрагите, односно корупција, бидејќи во тој момент сте работеле како советник на министерот Маричиќ во ресорното министерство?“, заврши Лефков.

Пратеникот во понатамошниот тек на разговорот, говореше дека новиот претседател на СДСМ, Филипче и не е баш нов лик во политиката, со оглед на тоа што беше подолг временски период министер во Владата на Заев, што го прави еден од виновниците за колапсот во здравството и владеењето на тогашната власт.

Новата потпретседателка Каранфиловска Панова не формален член на СДСМ

– Венко Филипче не е ново лице на македонската политичка сцена. Стар, истрошен политичар којшто е запаметен по вакцините од Хонг Конг, по спартанската медицина и лечење по бараки. Со извештаите на ДЗР кои укажуваат на милионски злоупотреби при набавка на лекови за коишто видовме дека дури и не стигале кај пациентите. Лечење со физиолошки раствор, матни тендери за компании коишто имаат, замислете исто седиште со адвокатите на Заев и сето ова се настани додека Венко е министер во Владата на Заев. Тоа го прави Филипче еден од виновниците за катастрофалниот пораз на СДСМ – истакна Лефков.

Пратеникот даде коментар и за новото раководство на СДСМ, истакнувајќи дека тоа е составено од партиски послушници на Заев, кои доаѓаат од третиот и од четвртиот ешалон на партијата и сега се во раководството на истата.