Најмладите црпат инспирација од вистинската уметност

Објавил: admin@magazin | 14 јуни, 2018 18:49

Охрид идеално место за детски креативен камп!

Фото/Текст извор: ©magazin.mk

Од денес до сабота, Охрид ќе биде домаќин на креативен камп за музика, сцена, лично и тимско усовршување, кој ќе го одржат Дејан Лилиќ, Андријана Јаневска и Сони Петровски.

»Идејата за еден ваков креативен летен камп потекна од културно-едукативниот центар „Креатив“, односно е заеднички проект на неколку луѓе кои се активни во областа на музичко-сценските активности. Во Република Македонија има повеќе вакви кампови кои претежно се поврзани со спортот, што според мене е одлично, но добро е да се внесе и една ваква новина, односно еден ваков креативен летен камп, кој ќе се занимава со малку поинакви теми. Имаме повеќе активности, но меѓу најважните се: правилното дишење, артикулација, изговор, трема и како да се справите со трема, сцена и однос кон публика, соло пеење, пеење во група, темпо, ритам, динамика, однос кон микрофон и подигнување на личен и тимски дух. Сите теми се проследени со теорија и вежби. Всушност, ќе имаме седум работилници во текот на три дена, а секоја ќе трае по 3 часа. Ќе се одвиваат во Музичкото училиште во Охрид, каде имаме одлични услови за работа и каде 40-тина дека кои се веќе пријавени ќе можат професионално да се запознаат со теми кои не се третираат во голема мера во редовниот образовен процес. Овие седум работилници ќе ги завршиме во сабота со фестивалот „Детски свет“, вели актерот Дејан Лилиќ, кој е дел од организацијата на овој настан.

Според музичарот Андријана Јаневска, Охрид е идеално место за еден ваков камп.

»Самиот град е многу креативно место. Имаме малку време, но ќе биде сосема доволно за сите деца кои ќе се пријават. Ќе се обидеме да ги запознаеме со се` она што е важно за секој пејач – правилно дишење, опсег на гласот, правилно пеење, пронаоѓањето на вистинската боја, односот со микрофон… На сето ова ќе работиме во текот на овие денови и ќе им дадеме шанса на најмладите да добијат една ваква обука, вели Јаневска.

Организаторите се надеваат дека кампот ќе прерасне во традиција, не само во Охрид, туку и во други градови, каде ќе работат со младите. Активни во „Детски свет“ и „Креатив“ се луѓе кои значат нешто во државата. Еден од нив е композиторот Сони Петровски.

»Едукативниот центар „Креатив“ започна со работа пред една година и е фокусиран на неформалното образование на младите, односно поттикнување и развој на нивните таленти. Застанавме зад повеќе млади уметници, кај кои препознавме потенцијал за формирање на тинејџерска и младинска сцена во Република Македонија, којa многу ни недостасува. Едно од тие лица е токму младотиот талент Симеон Коруновски, кој живее во Охрид и зад него стои еден цел стручен тим кои придонесуваат во успешниот развој на неговата кариера. Симеон веќе има две песни кои се познати во македонскиот етер, учествуваше на еден Меѓународен фестивал од каде се врати со Гран при награда, а во моментот снима видео спот за својата прва авторска песна, вели Петровски.

Двата проекти се начин како децата да се мотивираат да одат и во театар, балет и опера од каде ќе можат да црпат инспирација од вистинската уметност.

»Сакаме да бидат вљубеници во уметноста, преку која можат да исцрпат многу искуства кои би им користеле како уметници, новинари и активни граѓани на оваа држава, додаваат организаторите. Нашиот камп ќе заврши со тоа што на младите ученици ќе им дадеме шанса да учествуваат на фестивалот „Детски свет“ кој ќе се одржи на малиот плоштад пред ТЦ „Амам“ во сабота на 16-ти јуни во периодот од 12:00 до 15:00 часот. Испраќаме голема благодарност до општина Охрид и до сите кои даваат несебична подршка на проектот. За сите млади од Охрид учеството е бесплатно, што според нас ќе биде дополнителен мотив за сите да земат активно учество на настаните, додаваат организаторите. (Крај)

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Култура

„Медена земја“ исто така вечерва ја освои и наградата за најдобар документарец на Здружението на филмски критичари на Њујорк.

„Медена земја“ го освои Њујорк: Документарецот најдобар филм за 2019 според „Њујорк Тајмс“

Според “Њујорк Тајмс”документарниот филм „Медена земја“, на Тамара Котевска...

Во онлајн номинирањето учествуваа 569 луѓе, а дамите со најмногу номинации формираа листа од 50 финалистки во вкупно 10 категории за кои потоа гласаше 10-члено жири составено од претставници на медиуми, компании и стопански комори.

Мила Царовска избрана за жена на годината(ФОТО)

Во пријатна и опуштена атмосфера со многу позитивна енергија вчера во “Рагуза360”...

Со писмо од 19 март 1907 година, Јован Бабунски, како шеф на Горскиот штаб им се обраќа на селаните од селото Сенокос, Прилепско, а потписите на штабот се заверени со печат.

Да не беа Охриѓани немаше да се основа Охридската архиепископија!

Во 1890 година, сто и дваесет охриѓани, признавајќи дека долго биле заблудени од Бугарската...