Државната изборна комисија на петтата прес конференција на два часа од крајот од гласачкиот процес соопшти дека излезноста на референдумот до 17 часот е 28.83 проценти.

Овој процент е добиен според информациите од скоро 90 проценти од избирачките места.

Компаративно со излезеноста во 2017 година на локалните избори и 2016 година на предвремените парламентарни избори ова е ниска излезеност.

Имено во 2017 година на локалните избори во 17 часот излезеноста на електоратот била 48.95% а за предвремените парламентарни избори во 2016 година излезеноста во 17 часот била 60.38%.