Едно од Илинденска, друго од опозициска партија – ДУИ не признаваат дека ја поддржале стратегијата за јавна администрација во која стои дека Балансерот е надминат и се злоупотребува.

Кога се разгледувала стратегијата во Влада тие биле против, иако во Собрание стигнала на предлог од министерството за информатичко општество и администрација со кое тие раководеа . Според ДУИ Стратегијата е валидна оти не поминала во Собранието, а тие биле заштитници на Охридскиот рамковен договор.

Стратегијата за реформа на јавната администрација е Владин акт од јули 2023 година усвоен за време на мандатот на ДУИ и СДСМ, а кога официјално беше промовирана стратегијата интегративицте немаа никаква реакција.  Сега одлуката на Уставен за нив е шокантна и удар врз Уставот па дури организираа и протест.

Власта ја поздравува одлуката на Уставен според  претседателот на движењето ЗНАМ Максим Димитриески сите треба да се заложат за квалитет при вработување , без разлика на која етничка заедница припаѓаат.

Сите граѓани мора да имаат еднакви права и етничкиот предзнак не треба да биде привилегија на некој во делот на вработувањата. Освен да се залагаме за политичкиот квантитет, треба да се заложиме суштински да добиеме квалитет и да им дадеме шанса на најквалитетните без разлика кој од која етничка заедница доаѓа или пак од македонскиот народ. Во однос на балансерот Уставниот суд си го кажа своето и јас тука не можам ништо да коментирам. Но, како и да е, ја поздравувам таа одлука.- Максим Димитриевски – претседател на ЗНАМ.

Уставните судии одлучија да ја укинат алатката „Балансер“  по иницијатива која ја поднесе Антикорупциска во јануари оваа година.  Она што се покажало во минатото е дека за да добијат работа  имало многу случаи кога луѓето се пишувале со друга етничка припадност.