Граѓаните можат да останат спокојни, цената на струјата останува иста.

Како што известува Регулаторната комисија за енергетика, РКЕ, нема да има промена на цената на струјата.

Според нив се ќе биде како што е досега, освен што од понеделник, ќе почне со работа новиот универзален снабдувач кој ќе им испорачува струја на домаќинствата по регулирана цена.

До промена на цената, според РКЕ, може да дојде само ако се случат драматични промени во цената на увозната цена на струјата. Но, стабилно за Република Македонија е што домаќинствата можат да останат на регулираниот пазар.

Од 1 јули домаќинствата ќе добиваат електрична енергија од ЕВН Хоум. Новиот снабдувач апсолутно не значи ништо за граѓаните, затоа што овој правен субјект произлегува од ЕВН Македонија, енергетската компанија која и досега ги снабдува домаќинствата.

Последниве две години цената на струјата е стабилна. Со воведувањето на евфтината тарифа првата година кај граѓаните останале 8, а оваа 11 милиони евра вели вицепремиерот Кочо Анѓушев.

Првиот човек на регулаторната комисија за енергетика не очекуваше промена на цената.

Јас искрено не верувам дека цената ќе биде над 36,9 евра за мегават час. Исто така влијание врз цената ќе има и трошокот за откуп кој што го има универзалниот снабдувач од повластени производители на електрична енергија – изјави Марко Бислимовски, претседател на РКЕ.