Во предизборната кампања во Северна Каролина, американскиот претседател Доналд Трамп, меѓу другото, рече дека може да биде избран за Нобеловата награда за мир и во тој контекст го спомена неодамна потпишаниот договор меѓу Белград и Приштина во Вашингтон.

Според агенциите АНИ и Спутник, Трамп изјавил дека успеал да ги запре масовните убиства што се случуваат меѓу Србија и Косово веќе неколку децении.

„Сигурен сум дека ќе се квалификувам за Нобелова награда за мир. Ние ги запираме масовните убиства меѓу Косово и Србија. Тие се убиваа многу години. Сега престанат да се убиваат едни со други“.

Претседателот на Соединетите држави беше номиниран за Нобелова награда за мир овој месец откако успеа да потпише договор за нормализирање на економските односи меѓу Белград и Приштина.

Претседателот на Србија Александар Вучиќ и косовскиот премиер Авдула Хоти неодамна во Вашингтон со претседателот на САД, Доналд Трамп потпишаа договор за нормализација на економските односи на двете земји.

Трамп оцени дека потпишувањето на договорот претставува „многу важен чекор за кој била потребна голема храброст на Вучиќ и Хоти, двајца големи лидери“.

„Ова е навистина историски ден, Србија и Косово сакаат економска соработка и напредок. Сакам да им се заблагодарам на обајцата“, рече Трамп.