На официјалната фејсбук страница на Македонската опера и балет денес е променето името во Национална опера и балет.

Администраторот на профилната слика на страницата го објави и новото лого на кое е испишано новото име на Националната установа Национална Опера и Балет, но за кратко време беше отстрането и заменето со логото на Мајски оперски вечери.

Причините за ова не се познати, иако коментарите од следбениците на страницата на МОБ беа негативни додека логото беше објавено. 

Прашање е дали Дирекцијата на МОБ со отстранувањето на новото лого сакала да ги избегне негативните коментари и да го чуе јавното мнение токму во пресрет на Мајските оперски вечери, или пак се работи за нешто друго.

Поранешниот директор на МОБ, Игор Дурловски, го објави новото лого на Национална опера и балет со статус на кој дел од вработените солисти на МОБ и културната јавност реагираат.

Дурловски напиша: Како само г(о) рдо звучи, фали посмртен марш…

Едно од прашањата кои се поставуваат е зошто македонскиот народ не може да има свои инстутиции во кој зборот Македонски ќе биде содржан во самиот наслов, кога такви имаат и други националности, меѓу кои албанците и турците.