
Македонија
Анализа
Претседателот на Собранието, Талат Џафери во линковско вклучување во вечерашното издание на ClickPlus на ТВ21, објасни што значи вонредна состојба, и што задолженија и задачи ќе има Владата, Собранието и претседателот.
Претседателот на Република Македонија, Стево Пендаровски на вонредното обраќање до јавноста во 18:00 часот, пред јавноста соопшти вонредна состојба на целата држава.
Од претседателската резиденција на Водно, Пендаровски прогласи вонредна состојба во Република Македонија. Тој рече дека одлуката ја донел поради сложената ситуација и со цел спречување од ширење на коронавирусот.
Пендаровски апелираше до граѓаните да се придржуваат до препораките за заштита. Тој упати порака до граѓаните да останат смирени во овие тешки моменти.
Одлуката e во сила 30 дена.
Претседателот на Собранието Талат Џафери денеска го препрати предлогот за воведување вонредна состојба до шефот на државата Стево Пендаровски, кој беше донесен на денешната седница на Влада. Владата во предлогот го повика Собранието повторно да се состане за да прогласи вонредна состојба, но според Џафери, тоа не беше можно.
„Од правен аспект со експертите заклучокот е дека Собранието не е во можност да се собере како резултат на претходната одлука за самораспуштање со што Собранието го има вратено суверенитетот кај граѓаните“, рече Џафери.
Целиот разговор на Џафери низ следното видео:
http://https://www.youtube.com/watch?v=zc0AlaSEBr0&feature=emb_title
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.