Шпанскиот БДП, исто така, забележа намалување од 0,5% на квартална основа, откако економијата успеа да остане непроменета на крајот на 2020-та година.

Објавил: Перо Милчин | 1 мај, 2021 8:05

Еврозоната влезе во рецесија

Фото/Текст извор: ©магазин.мк

Европската економија повторно е во рецесија на почетокот на новата година во услови на уште една серија блокади што оставија многу деловни активности затворени, a луѓето не беа во можност да трошат.

Во првиот квартал, сезонски прилагодениот бруто домашен производ (БДП) на еврозоната се намали за 0,6% и на Европската унија како целина за 0,4% во споредба со претходниот период. Ова го покажуваат првичните податоци на Евростат, објавени денеска.

Ова е втор последователен квартал на пад, откако на крајот на 2020-та година економијата на валутниот блок објави контракција од 0,7%, а ЕУ од 0,5%.

Податоците за Унијата, како и одделно за нејзините најголеми економии, покажуваат колку е далеку Европа да се опорави од пандемијата среде побавната дистрибуција на вакцините.

За споредба, растот на американската економија се забрзува во првите три месеци од годинава. БДП-то се прошири за 6,4% на годишно ниво по понискиот раст од 4,3% во четвртиот квартал од минатата година, според првичните податоци на Министерството за трговија во четвртокот.

Програмата за закрепнување на ЕУ треба да даде силен поттик за движењето нагоре, но не се очекува нејзините средства да ги поттикнат економиите пред летото. Европската комисија прво мора да ги одобри индивидуалните планови за закрепнување, а некои членки допрва треба да го ратификуваат механизмот.

Контракцијата на европската економија во првиот квартал исто така ги поддржува очекувањата дека нема да се опорави на нивоата пред пандемија барем до средината на 2022-ра година – скоро една година по Соединетите држави.

И додека забрзувањето на кампањата за имунизација на Стариот континент олабавување на мерките за ограничување на многу места, главниот економист во Европската централна банка, Филип Лејн, предупреди дека враќањето не значи целосно закрепнување. Инфлациските притисоци се сѐ уште прениски, така што стимулациите ќе останат потребни уште некое време.

Во април, годишната инфлација во еврозоната се очекува да биде 1,6% – забрзување од 1,3% во март, според првичните проценки на Евростат. Енергијата се очекува да има најбрзо темпо – 10,3% во споредба со 4,3% во март.

Основната инфлација, која исклучува некои нестабилни компоненти, забавува на 0,8%.

За одделни земји, податоците за најголемата европска економија, Германија, не се оптимистички. Бруто домашниот производ на земјата се намали за 1,7% на квартална основа на почетокот на годината, што е повеќе од предвидениот пад од 1,5%. Германската економија се врати во контракција по два квартали од растот среде новите блокади поради коронавирусот.

Италија е исто така повторно во рецесија, со пад на БДП-то од 0,4% во првиот квартал, по ревидираната надолна контракција од 1,8% во претходниот период.

Владата во Рим се надева на закрепнување на програмата за фискални стимуланси. Премиерот Марио Драги ги објави плановите на Владата да потроши 260 милијарди евра на национални и европски фондови за заживување на економијата.

Шпанскиот БДП, исто така, забележа намалување од 0,5% на квартална основа, откако економијата успеа да остане непроменета на крајот на 2020-та година.

Раст е забележан во Франција, каде БДП-то се зголеми за 0,4% на квартална основа во трите месеци до крајот на март, лесно надминувајќи ги очекувањата за 0,1%. Ова претставува опипливо закрепнување од контракцијата од 1,4% во четвртиот квартал од годината.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Анализа

Новиот закон исто така ќе има обврска да ги обезбедува потребите на членовите на семејството за време на поднесувањето на апликациите за повторно обединување на семејството, што е воведено со привремениот закон.

Шведска ги заострува правилата за постојано вселување

Законскиот план на социјалдемократската влада во коалиција со Зелените, треба да го...

Неприфатливо е што 70 проценти од дозите на вакцини досега се дистрибуирани на граѓани од само 10 земји, а некои земји немаат ниту една доза, вели таа.

СТО: Компаниите мора да произведат доволно вакцини или да издаваат лиценци

Фармацевтските компании треба да произведат доволно вакцини против Ковид-19 за сите...

Успеавме да го моделираме влијанието на климатските промени според различните сценарија на растечки емисии на стакленички гасови врз екосистемот на Арктичкиот океан.

СЕВЕРНИОТ ЛЕДЕН ОКЕАН ОСТАНА БЕЗ МРАЗ? Научниците направија мрачна прогноза, до 2055 година сè ќе биде поинаку

Меѓународен тим на истражувачи предвидува дека Арктичкиот океан најверојатно ќе остане...