Владата донесе одлука од утре, 17 јуни, да се отворат сите гранични премини во земјата со примена на мерките што се активни, при што за влез во Македонија е задолжително да се приложи валиден негативен ПЦР тест, не постар од 72 часа.

Останува и мерката за потпишување „Изјава за задолжителна самоизолација во траење од 14 дена“, врз основа на која Државниот санитарен и здравствен инспекторат изготвува Решение за здравствен надзор и домашна самоизолација, која ја контролира МВР.

Додека пак Австрија од полноќ ги отвори своите граници, односно го укина задолжителниот карантин и PCR-тестот за државјаните на земјите членки на Европската Унија, Европската економска заедница и ЕФТА, освен за Велика Британија, Шведска, Шпанија и Португалија.