Зоран Марјановиќ кој е обвинет дека на 2 април 2016 година ја убил сопругата Јелена Марјановиќ, за Курир.рс изјави дека е шокиран од анонимното писмо кое пристигнало во Вишиот суд во Белград, во кое се пишува дека неговата мајка го нарачала убиството на Јелена.

Во писмото е наведен и бизнисменот Драгој Милинковиќ од Прибој, кој наводно ја посетувал мајката од Зоран Марјановиќ.

Можно е убиецот да го напишал писмото. Од каде да знаеме ние! Како воопшто Н.Н лицето напишало писмо? Ќе поднесеме тужба против таа непозната особа, затоа што мојата мајка доживеа голем стрес и едвај ja повративме во живот, изјави Марјановиќ за Курир.рс. Зоран вели дека здраствената состојба на неговата мајка дополнително се влошила поради анонимното писмо кое пристигна во судот.

Моментално планираме да ја одведеме кај невролог, затоа што почна да не распознава луѓето. Ја сум тотално сум збунет. Тој додава дека на наредното судење покрај сведоците ќе се појави и неговата мајка, но сега е доведено прашањето дали таа ќе биде способна за такво нешто.

Драгоје Милинковиќ од Прибој, кој беше идентификуван како убиец на пејачката Јелена Марјановиќ во анонимно писмо доставено до Високиот суд во Белград, денеска беше уапсен по наредба на Основниот суд Прибој.

Се дознава дека тој бил уапсен за кривично дело измама, т.е. поради правосилна пресуда за случајот 2015 година – кога тој беше осуден за измама на три лица за 16.500 евра, јавуваат медиумите.

Милинковиќ, наводно денеска сакал да оди во полиција, на полиграф, поради обвиненијата дадени во спомнатото писмо.

Пред три дена во судот во Белград започна судењето за случајот со убиената пејачка Јелена Марјановиќ на втори април, 2016 година.