Вчера во американската амбасада се славеше „Денот на независноста“.

На гала настанот присуствуваа бројни личности од политичкиот и јавниот живот, меѓу кои сопругите на нашите познати политичари.

Најмногу внимание привлече македонската прва дама, Елизабета Пендаровска која на настанот се појави во тренди фустан-кошула и чизмички до глужд, додека нејзиниот сопруг, Стево Пендаровски носеше патики, темни фармерки и кежуал палто.

За разлика од нашата прва дама, сопругата на премиерот Зоран Заев, Зорица Заева, се појави во елегантен црн фустан со интересен дезен во бела боја, а целото издание го зачини со црни салонки со отворени прсти.

Инаку, официјалниот моден кодекс на вакви официјални настани подразбира комплети со пристојна должина, и сакоа во комбинација со панталони и фустани (со должина до и под колена), пристојни блузи, маици, а се препорачува и рамениците да бидат покриени.