Уште колку заболени и жртви треба да се случат за да се прогласи епидемија на ниво на цела држава?

Објавил: Данаил Михајловски | 13 април, 2019 16:55

Епидемија од морбили, Филипче му понудил оставка на Заев, заради големиот број на жртви

Фото/Текст извор: ©магазин

После вчерашната трагедија на штипјанката која го загуби своето неродено бебе во шеститот месец од бременоста, како последица на епидемијата од морбили, министерот Филипче разговарал со премиерот Заев и му понудил оставка од морални причини. Според нашиот извор од министерството за здравство, министерот Филипче чувствувал морална одговорност затоа што тимот на министерството за здравство не успеал да ја сузбие епидемијата на морбили која трае веќе 4 месеци, а зад себе остави 30 мртви луѓе и пет неродени бебиња меѓу 4ти и 6ти месец на бременоста, абортирани заради заразата. Се очекува во следниве неколку дена од премиерот Заев да се изјасни дали ќе ја прифати понудената оставка од министерот Венко Филипче.

Бројот на заразени со малите сипаници денес е 1004 лица, а освен Скопје, критична е бројката на заразени во Куманово, Тетово, Струга, Свети Николе, Кичево, Штип, Гевгелија, Прилеп и Дебар. Најкритично е во главниот град, каде епидемијата е решиси излезена од контрола, и само денес на детската клиника во Скопје се евидентирани нови 17 деца заразени од мали сипаници. Еден дел од оние што се хоспитализирани на Клиничкиот центар се бебиња помали од 12 месеци, а поголемиот број се луѓе на возраст од 35-65 години, но и двете се многу ризични и ранливи категории.

Според член 56 од Законот за заштита на населението од заразни болести, при појава на епидемија во поголем број на општини во земјата, миистерството за здравство и владата треба да прогласат епидемија на ниво на целата држава, особено кога заразната болест покажува тенденции на забрзано ширење. Министерството за здравство тогаш наложува мерки за сузбивање на епидемијата. Член 64 од истиот закон вели дека Државниот санитарен и здравствен инспекторат има право и должност додека трае опасноста од епидемија да забрани собирање на лица во училишта, кина, театри, јавни локали и игротеки, додека трае опасноста од епидемија.

Како што расте бројот на заболени, се повеќе на удар на малите сипаници се и трудниците. На Инфективна во моментов на болничко лекување се две бремени жени со морбили, од кои едната е во 9-ти месец, пред породување. Покрај нив хоспитализирани се уште 42 пациенти со ова заразно заболување. Се очекува бројот на пациенти да расте, а тоа го покажуваат и бројките од Институтот за јавно здравје, кои заклучно со денес регистрирале 138 нови случаи со морбили во изминативе 8 дена. Дел од новозаразените се медицински сестри или лекари, што дополнително го намалува капацитетот на болниците да се борат со ширењето на оваа опасна епидемија.

Во вторник министерот Филипче и премиерот Заев ќе имаат специјална средба на оваа тема со Комисијата за заразни болести и се очекува да прогласат епидемија во цела држава. Според изворот од министерството за здравство, се очекува да предложат порадикални мерки како времено затворање на дел од градинките во Скопје, Тетово и Куманово, затворање на повеќе игротеките, делумно затворање на кинотеки, локали и спортски сали, се додека епидемијата заразува се поголем број на граѓани и нанесува големи човечки и финансиски загуби за државата и засегнатите семејства.

 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравство

Неспорно е дека во нашата држава се забележува зголемување на трансмисија на коронавирус, но и дека ова е општ тренд што не може да се очекува да не одбегне.

Забележано зголемување на трансмисија на коронавирусот – се препорачува носење на маска во затворени простории

Министерството за здравство и Комисијата за заштита на населението од заразни болести...

На клиниката добиле рок за седум дена да постапат и да ги прочитаат сите резултати на пациентите.

Скандал на Радиологија: Околу 1.200 пациенти, меѓу кои и болни од рак пола година чекаат резултати

Околу 1.200 пациенти, меѓу кои и болни од рак повеќе од шест месеци чекаат да им се прочитаат...

Комисијата препорачува граѓаните да бидат совесни и да го заштитат сопственото и јавното здравје и да ги применуваат општите мерки за заштита, како што се: заштитна маска, одржување растојание и почесто миење раце.

Зголемен број на новозаболени од ковид-19, нови мерки засега нема

Согласно податоците што ги соопшти вчера Комисијата за заразни болести, забележан...

Посетување на наставата во основните училишта да се одвива без маски за учениците, освен ако учениците по сопствена волја не бараат да носат заштитна маска. За наставниците и останатите вработени во училиштата останува обврската за носење маски.

Олабавување на рестриктивните мерки за спречување на ширење на коронавирусот

Владата на Република Mакедонија ги усвои препораките на Главниот координативен кризен...