Денеска во Собранието, беше изгласан Законот за прекинување на бременоста

Објавил: Катерина Крстиќ | 14 март, 2019 15:40

Жената сама ќе одлучува за абортус- изгласан Законот за прекин на бременоста

Фото/Текст извор: ©magazin.mk

Денеска во рамките на 91-та седница во Собранието, беше изгласан Законот за прекинување на бременоста.

Согласно новоизгласаниот закон за прекин на бременоста жената сама ќе одлучува дали сака да ја прекине бременоста, а со овој закон се укинува тридневното чекање и останатите административни бариери за остварување на правото на абортус.

Од сега, одлуката за прекин на бременоста, жената ќе може да ја донесе свесно, без принуда од кого било, и врз основа на објективни информации поврзани со интервенцијата, со посебна медицинска интервенција за која слободно таа одлучува.

Со измените на законот, жената исто така ќе добие комплетни, објективни и точни информации во врска со начинот на изведување на интервенцијата.

Инаку според последните податоци бројот на пријавени абортуси во десетте центри за јавно здравство во 2017 година изнесува 4.236, но според гинеколозите оваа бројка е поголема бидејќи како што велат има абортирање на црно, па и на своја рака, што е сериозен проблем а тие бројки не се регистрирани. Голем дел од жените што се одлучуваат на ваков прекин на бременоста се под сериозен ризик, а никој официјално нема увид во условите каде што се прави.

Инаку се проценува дека абортуси има колку што има и раѓања – околу 20.000.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравство

Само во текот на вчерашниот ден на клиниката биле донесени тројца пациенти со симптоми на морбили

Морбилите не стивнуваат- на Инфективната клиника хоспитализирани 37 пациенти со морбили

Вкупно 37 пациенти со морбили се хоспитализирани на Инфективната клиника од кои 19 возрасни...

Ординацијата каде што ја посетувале редовно се испразнила начисто, откако докторот заминал во пензија. Заедно со пензијата си ја зел и опремата што ја поседувал.

Во 34 општини нема ни трага ни глас од гинeколозите – Македонија остана без доктори

Од Здружението за еманципација, солидарност и еднаквост на жените изјавија дека во...