Премиерот Зоран Заев во вестите на Сител, го коментираше возниот парк на пожарникарите, навраќајќи се на камионот ФАП кој се појави во струмичко да гаси пожари.

„Го видовме тој ФАП-от во струмичко-гевгелискиот регион, ама 8.000 тони вода истури. Знаете како, тој на терен е и активен. Возобновена е машината комплетно, го вози Јоцо Манго од Струмица го познавам директно, струмички пожарникар, а еден таков има и во Демир Капија исто така, но исто така активен е“, рече Заев.

Јас бев на одмор три дена и се вратив затоа што дефинитивно почувствував дека народот сака да ме види овде, кажа денеска премиерот Зоран Заев.

Системот функционира како што кажа и директорот на ЦУК, координацијата се прави на телефон, граѓаните очекуваат премиерот да биде премиер и да го координира системот, а системот е воспоставен со кризната состојба, управува со него директорот на ЦУК, дирекцијата за заштита и спасување, општинските штабови, противпожарните единици и сите единици, со нив дополнително се координираат полицијата, армијата и системот функционираонака како што функционира во сите европски земји, со сите негови предности и слабости и учиме заедно низ него. Драго ми е што можеа и вака функционален систем да го искординираат и со пет странски сили за гасење кои се вклопени заедно со нашите сили и делуваат сплотено на терен, кажа Заев.