Претседателот на Владата Зоран Заев денеска го прослави својот 46 роденден во седиштето на НАТО во друштво на генералниот секретар на НАТО Јенс Столтенберг и министрите Радмила Шекеринска и Бујар Османи.

Заев рече дека Македонија ќе продолжи да биде силен промотор на регионална политичка и одбранбена соработка и дијалог.

Посетата на седиштето на НАТО, како моја прва официјална меѓународна посета на почетокот на вториот мандат, ја потврдува нашата посветеност за активно учество и исполнување на обврските што произлегуваат како нова земја-членка на НАТО, вели Заев!

Оваа година го реализиравме нашиот највисок национален стратешки приоритет и една од нашите најважни надворешно-политички цели – станавме полноправна членка на НАТО. Ова го постигнавме врз основа на нашиот суверен избор, со едногласен политички консензус и со силна јавна поддршка.

И покрај пандемијата и последиците од неа, имавме многу топло добредојде како нова членка на НАТО и веднаш бевме сведоци на силната солидарност од нашите сојузници. Сојузниците на НАТО обезбедија помош за нашиот здравствен сектор и за справување со последиците од КОВИД-19. Ние сме многу благодарни за тоа и нашите граѓани сега уште повеќе ги осознаваат пошироките придобивки од нашето членство во НАТО, потенцираше премиерот!

-Добро е што се се сретнав со Зоран Заев, Премиер на најновиот член на нашето семејство во НАТО и сигурен сојузник. Во вакви времиња, важно е да имате пријатели и сојузници. Северна Македонија не стои сама, твитна Јенс Столтенберг, Генералниот секретар на НАТО.