Никола Димитров го оспорува избирачкиот список по кој се реализираше референдумот, истиот оној по кој СДСМ во 2017 година освои убедлива победа на локалните избори

Објавил: Мартин Попоски | 3 октомври, 2018 13:30

За Димитров референдумот пропаднал поради лош избирачки список, кој за СДСМ е идеален

Фото/Текст извор: ©online/магазин.мк

Министерот за надворешни работи на Македонија, Димитров, во очај, за пропаста на референдумот го обвини избирачкиот список, заборавајќи дека СДСМ го оцени за идеален и поради кој реализираше огромна победа на локалните избори во 2017 година.

Никола Димитров, изнесе неколку факти за референдумот, посочувајќи дека избирачкиот список не бил реален што влијаело на цензусот и негово неисполнување.

Димитров посочува дека позициската ВМРО-ДПМНЕ не учествуваше во рферендимот, затоа што, како што вели, партијата се плашела од пораз.

Министерот кој манифестира селективна меморија на социјалните мрежи напиша:

“Дали е факт дека на референдумот не гласаа повеќе од половината граѓани (903.169) од вкупно запишаните на избирачкиот список (1.806.336)? Да!

Дали е факт дека избирачкиот список не е воопшто реален, ако се земат предвид податоците на Фондот за здравствено осигурување? Да!

416.382 се малолетни лица, без право на глас, од вкупно 1.872.466 осигуреници. Дали стотици илјади граѓани ни се иселени? Да!

Дали е факт дека референдумот беше консултативен, односно незадолжителен? Да!

Дали е факт дека без формална излезност, одлука на народот, одлуката се враќа на институциите? Да!

Дали е факт дека со постигната излезност беа потребни само 441.585 гласови ЗА? Да!

Дали е факт дека имавме 609.813 гласови ЗА? Да. Тоа значи дека не ни требаа повеќе гласови ЗА, туку повеќе гласови ПРОТИВ. Дали е логично да фалат гласови ПРОТИВ, за резултатот да биде ЗА? Не е!

Дали е факт дека 609.813 граѓани се поголемо мнозинство од сите граѓани кои гласале на парламентарните избори во 2016 (1.191.854) и од сите кои гласале на локалните избори во 2017 (1.079.876)? Да!

Дали е факт дека во програмата на ДПМНЕ на страна 295 пишува дека референдумот ќе биде успешен доколку го поддржат мнозинство од граѓаните кои ќе ИЗЛЕЗАТ да гласаат, а не мнозинство од запишаните на избирачкиот список? Да!

Еве цитат: ВМРО-ДПМНЕ, како одговорна и народна партија, нема да дозволи кое било решение за спорот кој го наметна Грција, да биде прифатено од страна на политичари поединци, Влада или Собрание, без претходно за тоа да се изјаснат македонските граѓани на референдум, а при тоа мнозинството од граѓаните кои ќе излезат на референ- думот да се согласни со можното решение.

Дали е факт дека прашањето за референдумско консултирање на граѓаните за прашањето за името беше воведено од сегашната опозиција за сега да “апстинираат”? Да!

Дали е факт дека се плашеа од пораз и решија да не учествуваат (секоја чест на исклучоците) и да се кријат зад иселените, кои решиле да си ја бараат Европа надвор од Македонија? Да!

Дали е факт дека ова мнозинство граѓани, кое би победило и на парламентарните во 2016 и на локалните во 2017 сака Македонија да оди напред? Да!

Дали Собранието ќе најде сила да го слушне гласот на мнозинството? Гласот на народот? Ќе видиме деновиве.

Да имаше еден, ЕДЕН глас ПРОТИВ повеќе, ќе се поклоневме и ќе креневме раце. Но со вака убедливо мнозинство ЗА, наша должност кон народот е да најдеме начин да зачекориме напред, без или со нови избори.

Да беше лесно, немаше да биде историски. Напред и нагоре! Ќе не’ биде! – напиша Димитров.

Очигледно Никола Димитров често ги меша партиите кои се на власт и премиерите под кои работи, па со оваа изјава потврдува дека изборите во 2016 година кога за 2 пратеника не освоија победа и 2017 година кога СДСМ имаше огромен успех на локалните избори се фалсификат базиран врз нереален избирачки список.

Зошто Димитров пише постови по социјални мрежи кога со неговото огромно познавање на материјата може да покрене постапка пред надлежните органи?

*Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Актуелно

За ВМРО - ДПМНЕ и по 125 години од формирањето на Македонската револуционерна организација, борбата трае, овој пат за спас на името и Македонски идентитет

И по 125 години трае македонската борба за самоопределување и самоидентификација

ВМРО – ДПМНЕ, како идеолошки наследник на Македонската револуционерна борба, денес...

Ванковска важи за гласен критичар на сите владини политики без разлика на партиската припадност, но очигледно актуелната се обиде да ја замочи, барем на социјалните мрежи

Блокиран ФБ профилот на проф. Ванковска

Професорката Билјана Ванковска, гласен критичар на политиките на сите влади, се соочи...

Тодоров смета дека со ВМРО - ДПМНЕ владее структура на УДБА, иста онаа која го постави за министер, Јанчев пак смета дека требало да го пофалат а не да го споредат со Мијалков

Тодоров го исклучила УДБА, Јанчев е само навреден, очекувал пофалби

По синоќешните одлуки на ЦК на ВМРО – ДПМНЕ за исклучување на партиски функционери...

СЈО и Кривичен, негираат дека Мијалков доставил барање за враќање на македонската патна исправа, но не коментираат за поседувањето важечка од Република Чешка

СЈО и Кривичен со изјави дека не е вратен пасошот на Мијалков, чешкиот не е ни одземен?

По информацијата од партиски извори дека вчера пред ЦК на ВМРО – ДПМНЕ на барање...