Украинскиот претседател Володимир Зеленски не се најде на листата на највлијателни Евреи оваа година. Минатата година тој се најде на првото место на листата на 50 највлијателни Евреи.

Објавил: Македонка Димкин | 17 септември, 2023 9:38

Зеленски од еврејската заедница прогласен за икона на евреите

Фото/Текст извор: ©Ерусалим пост

„Ерусалим пост“ вчера ја објави својата годишна листа на највлијателни Евреи. Интересно е што на списокот е и основачот на Вагнер, Евгениј Пригожин, кој загина во авионска несреќа во Тверската област во Русија на 23 август годинава.

Таткото на Пригожин, кој починал кога Пригожин имал девет години, бил Евреин. Откако одлежа речиси една деценија затвор за кражба, Евгениј Пригожин со помош на својот очув Евреин, штандот за хот-дог го претвори во империја на луксузен ресторан и стана познат како „готвачот на Путин“, пишува „Ерусалим пост“.

Пригожин потоа ја создаде и управуваше фармата за тролови на Агенцијата за истражување на Интернет за силно да се меша во претседателските избори во САД во 2016 година. Израелските медиуми истакнуваат дека Пригожин го привлече глобалното внимание дури оваа година кога започна краткотраен, но добро поддржан бунт против режимот на Владимир Путин.

Откако јавно ги критикуваше постапките на членовите на руското воено раководство и ги обвини дека ги нападнале вагнерите во Бахмут, тој нареди марш кон Москва. Тоа беше најобемниот бунт во целото 23-годишно владеење на Путин, што заврши со договор со посредство на белорускиот претседател Александар Лукашенко.

Украинскиот претседател Володимир Зеленски не се најде на листата на највлијателни Евреи оваа година. Минатата година тој се најде на првото место на листата на 50 највлијателни Евреи.

„Нема многу политички лидери кои се издигнати до статусот на икона, но украинскиот претседател Володимир Зеленски стана еден од нив“, објасни тогаш „Ерусалим пост“ за неговото вклучување на списокот.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.