Силен земјотрес попладнево го погоди регионот на Западен Балкан.

Епицентарот беше во Јадранско море кај Драч на длабочина од 10 километри, а сериозно се почувствува и во С. Македонија.

Според мерните инструменти на Евоврпската сеизмичка опсерваторија, силината на потресот беше со интензитет од 5,8 степени по Рихтеровата скала.

Првиот земјотрес во 16.05 часот е со епицентар во Драч, со интензитет од 5,8 степени според Рихтер и на длабочина од 10 километри во Јадранското Море. Петнаесет минути подоцна исто така во Драч, Албанија, на оддалеченост од 7 километри североисточно, регистриран е уште еден силен потрес со јачина од 5,5 степени.

Два земјотреса со магнитуди од 5.8 и 5.5 степени по Рихтер во период од петнаесетина минути се случија попладнево во близина на Драч, Албанија, објави Европско-медитеранскиот сеизмолошки центар, а беа почувствувани и во нашата земја.