Тврди дека зад кривичната пријава за пишан текст, има политички мотиви, директно споменувајќи дека е по нарачка на директорот на Агенцијата за национална безбедност Виктор Димовски.

Објавил: Стојче Бушин | 31 јули, 2020 18:46

Златев за Алфа: Веднаш треба да ме притворат, ќе продолжам да објавувам документи од јавен интерес

Фото/Текст извор: ©Алфа

Ако кривичниот прогон против мене нема политичка позадина веднаш треба да одам во притвор, бидејќи ќе продолжам да објавувам документи од јавен интерес, вели пред камерата на Алфа новинарот Љупчо Златев.

Тврди дека зад кривичната пријава за пишан текст, има политички мотиви, директно споменувајќи дека е по нарачка на директорот на Агенцијата за национална безбедност Виктор Димовски.

-И утре да добијам ист ваков документ кој има јавен интерес, јас пак ќе го објавам. Тоа значи дека јас јавно кажувам дека ќе го повторам делото. Доколку не е монтиран политички случај, во истиот момент јас треба да одам во притвор, затоа што најавувам повторување на делото. Најавувам и влијание врз сведоците, односно сите оние свиркачи, кои ми ги дадоа овие документи, им реков да се повлечат за да немаат свои реперкусии, вели Златев.

Златев заработи кривична пријава откако објави две статии за злоупотреба во Агенцијата за национална безбедност. Во текстовите тема е исклучувањето од селекцијата за вработување во АНБ на лице кое претходно работело во УБК. Како причина за тоа било наведено дека неговиот татко бил дел од протестите за промена на името. Златев вели тука има огромен јавен интерес, а ниту документите не биле класифицирани како службена тајна.

-Овие документи имаат класификација на „Интерно“. Е сега јас сум ги добил овие документи од свиркач, по законите во Република Македонија тоа значи дека тие престануваат да бидат класифицирани, затоа што се работи за јавен интерес. Овде имаме класично кршење на законот и ограничување на службена тајна, вели Златев за Алфа.

Осуда за кривичниот прогон кон Златев пристигна и од еснафските здруженија. Од Здружението на новинари на Македонија и Самостојниот синдикат на новинарите и медиумските работници, изразуваат загриженост поради кривичната пријава против главниот уредник на порталот „Лидер“.

Институциите треба да земат во предвид дека при постапување во вакви случаи, треба да се водат од начелото на јавен интерес и од тоа колку ваквите судски постапки можат да предизвикаат самоцензура, а со тоа да се ускрати правото на граѓаните да бидат свесни за евентуални злоупотреби во институциите, се вели во соопштението на ЗНМ и ССНМ.

Осуда за кривичниот прогон поради напишан текст, пристигна и од Агенцијата за аудио и аудиовизуелни медиумски услуги.  Златев очекува дека овој како што го нарекува политичко- кривичен прогон против него ќе заврши со осудителна пресуда, порачувајќи дека правдата и невиноста ќе ја бара преку повисоките судови, а можеби и во Стразбур.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Интервју

Али Ахмети не ги интересираат Албанците, туку сопствените џебови. Замислете ДУИ да не изненади и предложи исклучително сериозен и чесен Албанец за премиер. Јас не мислам дека тоа ќе се случи, но ајде да замислиме таква ситуација.

МИЛЧИН: Али Ахмети не ги интересираат Албанците, туку сопствените џебови

Режисерот Владимир Милчин за емисијата „Само вистина“ изјави дека овие биле први...

„Не знам, тоа ќе видиме како ќе биде текот на кампањата. Ние како МВР располагаме со оперативни информации дека одредени криминални структури ќе бидат искористени за вршење поткуп и притисок да се гласа, меѓутоа работиме на терен“, рече Чулев.

Чулев: Имаме информации дека криминални структури ќе вршат поткуп и притисок врз гласачи

Во вчерашното гостување во емисијата „Само интервју“ на Канал 5 телевизија министерот...

Шекеринска за снимките на екс директорот на Фондот за здравство, Ден Дончев кои денеска излегоа на јутјуб рече дека таа и слушала и гледала снимки и дека карактеристика било тоа што таа што ја гледаш не можеш да ја чуеш и обратно.

ШЕЌЕРИНСКА: ВМРО-ДПМНЕ освен национализам и фејк њуз 3 години ништо не им понуди на граѓаните

Во вечерашната „Само Вистина“ дебатираа Радмила Шекеринска и Александар Николоски. Шекеринска...

Тој изјави дека капацитети во болниците кои згрижуваат пациенти со Ковид-19 има, а поголем предизвик претставува кадарот. Според него, во Скопје има 26 специјалисти по инфективна медицина, и уште толку низ другите градови низ Македонија.

Филипче: Покажавме дека здравствениот систем функционира и може да му се верува

Министерот за здравство Венко Филипче во вечерашното гостување во емисијата „Само...