Зорица Заева, сопругата на лидерот на СДСМ, конечно реши да ја смени бојата на својата коса и од црнка стана бринета.

Веста за нејзината трансформација ја сподели нејзиниот долгогодишен стилист Драган Гоцев- Даци, од Струмица.

„Работам со Зорица уште пред да стане жена на премиер, во текот на сите овие години гледам една иста личност, односно жена која се нема променето според функциите, личност која е страсно едноставна и позитивна, забавна и личност која секогаш знае што сака.Нејзиниот стил е доста препознатлив карактеризиран со темни „smokey eyes“, најчесто црвен кармин и црна секогаш уредна коса, раскажуваше Гоцев во интервју за Фактор.

Неколку години наназад тој како стилист се грижи за нејзиниот изглед и долгогодишната нивна соработка вродила со цврсто и отворено пријателство.

„Нашето константно работење , веќе 6 години не направи блиски пријатели. Зорица била секогаш овде со мене од моите почетоци и личност која никогаш не ја изневери мојата доверба како пријател. Човек пред се, без разлика на тоа што е Заева, вели тој.

Лично ја смета за голем хуманист и човек со карактер. Таа е прилагодлива но има свој став. За жените што сакаат повеќе да експериментираат, Гоцев препорачува потскартување на косата и освежување со модерните хајлајт прамени.