Авион на колумбиската компанија „Авианса“ на лет од Орландо – Флорида, за малку ќе се срушеше над Богота поради судир со „пиротехнички балон“.

Засега не е познато дали балонот, кој служи за подигнување огномет во воздухот, бил „наполнет“ со експлозивни направи, но за време на судирот, авионот „се заплеткал“ во долги пластични ленти кои се дел од огнометот, пренесува Спутник.

Траките беа завиткани околу опашката на авионот и влегоа во моторите, па „Ербас А320“ на колумбиската компанија мораше присилно да слета.

Екипажот успешно го приземјил авионот, за кој не е наведено дали е оштетен.

Непосредно пред инцидентот, колумбиските воздухопловни власти предупредија на опасност од огномет и балони во близина на аеродромот и апелираа да не бидат пуштени и пукани во воздух.