Регистрирани сe 2.320 нови позитивни случаи од 33 градови во државата со зголемување од 3,9% во однос на минатата недела.

Објавил: Перо Милчин | 25 февруари, 2021 21:36

ИЗВЕШТАЈ НА ИЈЗ ОД 15 ДО 21 ФЕВРУАРИ – ЗГОЛЕМУВАЊЕ ОД 3,9% НОВИ СЛУЧАИ, ОЗДРАВЕНИ 1.760 ЛИЦА, ПРОЦЕНТОТ НА ПОЗИТИВНОСТ ВО ПРОСЕК 14,7%

Фото/Текст извор: ©магазин.мк

Според неделниот извештај на Институтот за јавно здравје, во периодот од 15 до 21 февруари биле тестирани вкупно 15.849 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 2,8% во однос на минатата недела.

Регистрирани сe 2.320 нови позитивни случаи од 33 градови во државата со зголемување од 3,9% во однос на минатата недела.

Најголем дел од регистрираните случаи се од Скопје (n=1.007; 43,4%), со неделна инциденца – 163,0/100.000. Највисока неделна инциденца од 412,8/100.000 е регистрирана во Неготино и во Кавадарци (409,0/100.000). Процентот на позитивност се движи од 11,8 до 16,3%, просечно 14,7%, на исто ниво како минатата недела.

Регистрирани се заболени лица во сите возрасни групи. Најзастапена е возрасната група на лица на возраст над 60 години (n=575, 24,8%). Голем број заболени е регистриран и кај лицата во возрасните групи од 30 до 39 (n=445; 19,2%), од 40 до 49  (n=442; 19,1%), од 50 до 59 (n=413; 17,8%) и од 20 до 29 години (n=300; 12,9%). Најмал број е регистриран кај децата од 0 до 9 (n=38; 1,6%) и од 10 до 19 години (n=107; 4,6%).

По добиени два негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 1.760 лица кои биле хоспитализирани или на домашно лекување, 30,1% помалку во споредба со минатата недела.

Пријавени се 70 смртни случаи од 13 градови, со зголемување од 62,8% во однос на минатата недела. Во однос на возраста, 65 лицa биле над 60 години, и 5 лица на возраст од 50 до 59 години.

Деталниот извештај на Институтот за јавно здравје за состојбата со Ковид-19 за периодот од 15 до 21 февруари 2021, како и кумулативната состојба со Ковид-19 во Република Македонија се објавува на веб страницата на Институтот за јавно здравје: http://iph.mk/.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.