До крајот на месец февруари, според последните информации од производителот, треба да пристигнат и вакцините од Народна Република Кина. Сите вакцини се развиени на безбедни платформи, а денешниот почеток на вакцинацијата против коронавирусот е почеток на последната фаза во борбата со пандемијата предизвикана од КОВИД-19.

Објавил: Рејхан Бајрами | 18 февруари, 2021 5:26

ИНФЕКТОЛОГОТ НАУНОВА И ГЛАВНАТА СЕСТРА ТЕМЕЛКОВСКА ОД ИНФЕКТИВНАТА КЛИНИКА ПРВИ ЈА ПРИМИЈА ВАКЦИНАТА ПРОТИВ КОВИД-19

Фото/Текст извор: ©магазин.мк

Во модуларната болница при Клиниката за инфективни болести и фебрилни состојби почна вакцинацијата на здравствените работници против КОВИД-19 во земјава.

Први се вакцинираа главната сестра, Габриела Темелковска и примариус д-р Добринка Наунова Јовановска, специјалист за невроинфекции од Инфективната клиника – медицински работници со значајно искуство на клиниката и огромен придонес во борбата со КОВИД-19.

Д-р Наунова Јовановска е инфектолог, кој интензивно работи на комуникација со матичните лекари, како и во лекување на пациенти со други инфективни заболувања сместени на други клиники.

Сестра Темелковска и д-р Наунова Јовановска ја примија вакцината на Фајзер, која пристигна со првата пратка во нашата земја од Република Србија.

По примањето на вакцините против КОВИД-19, тие изјавија дека се чувствуваат добро и упатија порака дека имунизацијата е единствениот начин за да ставиме крај на пандемијата предизвикана од овој непредвидлив вирус.

За вчерашниот ден беше предвидено вакцинирање на 260 здравствени работници. Согласно планот за вакцинација на здравствените работници, први ќе се вакцинираат оние здравствени работници кои работеле и работат со КОВИД пациенти од Клиниката за инфективни болести и фебрилни состојби, Градската општа болница „8 Септември“, Институтот за белодробни заболувања кај децата Козле, клиниките во склоп на интерните клиники кои хоспитализираа пациенти. Веќе од следната недела вакцинацијата ќе започне и кај медицинските лица во болниците низ државата, како и приватните болници.

Македонија, наскоро, ќе биде една од ретките земји во Европа во која ќе бидат вакцинирани сите здравствени работници кои лекуваат пациенти заразени од коронавирус, согласно Планот за имунизација на населението од КОВИД-19.

Во неделата, од Србија добивме 4680 од вкупно 8000 вакцини од компанијата Фајзер.

На примопредавањето учествуваше делегација од Србија предводена од претседателот на државата Александар Вучиќ и делегација од земјава предводена од премиерот Зоран Заев. Во текот на следната недела се очекува да пристигнат и другите количини од Србија.

До крајот на месец февруари, според последните информации од производителот, треба да пристигнат и вакцините од Народна Република Кина. Сите вакцини се развиени на безбедни платформи, а денешниот почеток на вакцинацијата против коронавирусот е почеток на последната фаза во борбата со пандемијата предизвикана од КОВИД-19.

Линк до фотографии: https://wetransfer.com/downloads/e3a2417022ccb53a66c19d198bdb1f5320210217102032/88bee35006fa17a2e24f124e5957929f20210217102053/022903

Линк до видео инсерти од фан-страницата на ФБ – министер Филипче: https://www.facebook.com/filipce.venko/videos/419480469155067

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравје

Веста за трансплантацијата ја објави утрово министерот за здравство Венко Филипче преку својот фејсбук-профил.

ИСТОРИСКА ФОТОГРАФИЈА: Докторите и се поклонуваат на младата девојка чие семејство одлучи да ги донира нејзините органи

Историска фотографија, докторите и се поклонуваат на младата девојка чие семејство...