За овие движења придонесе растот на бензините, киријата и храната.

Објавил: Мате Парлоф | 13 јуни, 2022 5:55

Инфлацијата во САД го достигна највисокото ниво од 1981-ва

Фото/Текст извор: ©магазин.мк

Инфлацијата во САД продолжи да се забрзува во мај, забележувајќи годишен раст од 8,6%, кој е највисок од 1981-ва година, според официјалната статистика, цитирана од „CNBC“.

Индексот на потрошувачките цени изненади со својот раст во минатиот месец, надминувајќи ја прогнозата на „Dow Jones“ за раст од 8,3 отсто. Без нестабилните цени на храната и енергијата, бројката се зголеми за 6%, малку над прогнозата од 5,9%.

За овие движења придонесе растот на бензините, киријата и храната.

Енергенсите поскапеа за 3,9 отсто на месечно ниво, а годишниот пораст достигна 34,6 отсто. Во оваа категорија, мазутот поскапе за 16,9% од април, а во однос на една година претходно поскапе за 106,7%.

Трошоците за изнајмување, кои сочинуваат околу една третина од индексот, се зголемија за 0,6% на месечно ниво и 5,5% на годишна основа. Храната поскапе за 1,2% во споредба со април, а во однос на мај 2021-ва година за 10,1 отсто.

Податоците покажуваат дека работниците морале да поминат низ нова контракција на приходите. Реалните плати приспособени според инфлацијата паднаа за 0,6% во април, иако просечната плата за час беше за 0,3% повисока. Во однос на истиот период од 2021-ва година, просечната саатница е намалена за 3%.

Статистиката беше долгоочекувана од „Wall Street“ и беше главен двигател на движењето во последните денови. Причината е што податоците будно ги следи Федералните резерви на САД, чиј состанок е закажан за следната недела. Инвеститорите стравуваат дека централната банка може да преземе премногу агресивни чекори за да ја спречи инфлацијата за да предизвика рецесија во американската економија.

Токму овие грижи доведоа до остри падови на американските берзи во петокот, кога реперот „Dow Jones Industrial Average“ избриша 638,11 поени од својата вредност, паѓајќи на 32.272,79 поени. Широкиот мерач „S&P 500“ падна за 2,38% на 4.017,82 поени, а „Nasdaq Composite“ падна за 2,75%, или 332,04 поени, на 11.754,23. Приносот на 10-годишните американски обврзници искачи над 3%, одржувајќи го до крајот на трговската сесија.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Во четвртокот, германската Влада делумно попушти, наведувајќи дека ќе се задржи ослободувањето од данок на земјоделскитевозила и дека ќе се укине намалувањето на даночните олеснувања за дизелот во текот на три години.

Германските земјоделци со трактори и камиони на протести пред Бранденбуршката порта

Германските земјоделци за денеска најавија протести пред Бранденбуршката порта во...