„Непотребно се шири хиcтepија. Дрвјата се исушени и зaбoлeни“, вели градоначалникот Петре Шилегов за утрово иceчените јапонски цреши од дрворедот на ул. „Максим Горки“ во центарот на градот

„Дрвјата во состојбата во која што се наоѓаа (некои беа и веќе паднати) претставуваа опасност по безбедноста на минувачите на овој фреквентен потег, како и по безбедноста на имотот на граѓаните. Град Скопје во понеделник на овој потег ќе засади 18 нови јапонски цреши и ќе го обнови овој дрворед што го краси центарот на нашиот град“, мораа да дообјаснуваат од Град Скопје по силните реакции.

Опозицијата обвинува за најмасовна и брутална сеча на дрвја.

– Со овој потег Шилегов и Богдановиќ покажаа дека нивните ставови за заштита на животната средина се лажни и манипулативни, додека ветувањата за разеленување на Градот и општината стана научна фантазија.Истиве ликови докажаа дека не се кадарни и се тотално неспособни да се грижат за оние работи кои што им ги оставиле нивните претходници.

Освен јапонски цреши и на пешачката зона кај сквер Јадран се исечени уште неколку дрвја. Не се знае дали и тие биле дел од листата болни стебла . Ваквиот потег на градските власти предизвика лавина реакции на социјалните мрежи.