Се случи чудо, а ние сме дел од него, ќе рече српскиот патријарх Порфириј, по денешната заедничка возвратна литургија со арихиепископот охридски и македонски, г.г. Стефан во Скопје.

Објавил: Сара Фемина | 24 мај, 2022 16:45

Историски ден – СПЦ ја одобри и благослови автокефалноста за МПЦ-ОА

Фото/Текст извор: ©sitel

По 55 години се одобрува афтокефалноста на МПЦ – ОА. Веста пред големиот број верници во соборниот храм “Св.Климент Охридски” ја соопшти поглаварот на Српската православна црква, чиј Собор позитивно и во еден глас одговорил на ваквото барање на македонската црква.

Се случи чудо, а ние сме дел од него, ќе рече српскиот патријарх Порфириј, по денешната заедничка возвратна литургија со арихиепископот охридски и македонски, г.г. Стефан во Скопје. Во неговата беседа во која преовладуваа пораки за православно единство, истакна дека Соборот на СПЦ ја благословува афтокефалноста на Македонската православна црква – Охридска архиепископија, на радост на целата црква, небото и на земјата.

Благодарност до СПЦ за одлуката упати и архиепискотот г.г Стефан. Сонот – обновената Охридска Архиепископија да биде автокефална е реален, рече поглаварот, упатувајќи благодарност до српскиот патријарх Порфириј.

Одлуката на СПЦ, црквата од која призлегува МПЦ како автокефална по неодамнешното помирување, е огромен чекор кон признавање на афтокефалност кое треба да до прогласи Вселенската Патријаршија. Како што посочи српскиот патријарх, двата синода ќе ги разработуваат техничко-организациски детали, по што треба да следува свеченото прогласување.

Потоа, додаде Порфириј, ќе бидат известени сите помесни православни цркви по својот канонски ред.

Денеска од Соборниот храм беше најавена и следната активност – заедничкото сослужение на архиепископот Стефан со Вселенскиот Патријарх Вартоломеј, на 12-ти јуни во Цариград.

Во и околу храмот, неколку илјади верници ја проследија заедничката литургија. Веста за одобрување на афтокефалноста на МПЦ – ОА ја проследија еуфорично и со неизмерна радост.

Овој настан дојде како резултат на одлуката на Вселенскиот Патријарх од 9 мај, за враќање на нашата Црква во канонско единство до останатите Православни Цркви. 

Следуваше заедничка архијерејска литургија на помирување во соборниот храм „Свети Сава“ во Белград, а на покана од архиепископот Стефан, денеска на денот на сесловенските просветители беше одржана возвратна литургија на која беше соопштена радосната вест. 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Религија

Преподобниот Наум Охридски- Чудотворец има два празника, едниот е во зимскиот период и се празнува на 5 јануари (23 декември по старо), а другиот во летниот период 3 јули (20 јуни по стар календар)


Манастирот „Св. Наум“ е изграден на висока карпа, над самото Охридско Езеро, на неговата најјужна точка, во една месност со ретка природна убавина. Подигнувањето на овој манастир е поврзано со името на Наум, Климентовиот соработник. Св. Наум, пред крајот на својот живот, го основал манастирот Св. Архангел и во 910 година бил погребан во него. Околу манастирот има повеќе други црквички, како: Света Петка, Свети Атанасиј, Агијазмо и др.

Заради тоа што одењето во манастирот било отежнато во зимски услови со одлука на светиот синод е решено празнувањето да се префрли на 3 јули, а датумот никогаш не се менува.

Празнувањето започнува уште ноќта на 2 јули кога многу верници се упатуваат во црквите и манастирите кои го носат името на светецот “Св. Наум“ да се помолат и запалат свеќа за здравје. Во дворот на црквата стојат со свеќи или некои чекаа да се качат внатре каде има и верници кои се молат и бдеат цела ноќ за здравје, а болни за исцелување. Се смета дека чудотворните исцелителски моќи на Св. Наум им помогнале на многу луѓе кои верувале.

Имено Св. Наум остана запаметен како чудотворец со моќта да лекува и за време на животот и по смртта, да лекува од најразлични болести и луѓе од различни вероисповести, односно сите што искрено и со верба му се обраќале без разлика на вера и припадност.

За животот и дејноста на Св. Наум се знае дека заедно со Св. Климент Охридски се едни од петмината ученици на словенските просветители Св. Кирил и Методиј кои учествувале во Моравската мисија во Рим во 9 век. По смртта на Методиј преку Бугарија дошол во Македонија и брегот на Охридското Езеро го изградил манастирот кој го носи неговото име.

Но, споменот на Св. Наум најповеќе останал во народните преданија и легенди. Во овие прозни народни умотворби народот раскажувал за сето она што го привлекувало неговото внимание, а било во врска со светителот ( лекување болни, скротување на зверови, изградба на манастирот, негова заштита). Во преданијата и легендите се раскажува за изборот на местото за лекување на лица од страна на светителот и подарување на имот на манастирот, за подарување н камбани и и други дарови на манастирот од оние на кои им помогнал.

Кога починал свети Наум на Земјата, Господ го одредил да биде во вечен рај, поради големите добродетелства што ги правел. Бидејќи во небесниот рај немало толку убаво место што одговара за Св. Наум Господ со рака му покажал кон неговиот манастир велејќи му: Она е твојот рај. Ти таму ќе бидеш засекогаш!“ Ете зошто свети Наум и сега е во неговиот манастир покрај Охридското Езеро“каде и натаму му помага на оние кои низ молитвите молат да им помогне.

Денес се празнува Свети Наум Охридски Чудотворец

Преподобниот Наум Охридски- Чудотворец има два празника, едниот е во зимскиот период...

Патријархот истакна и дека е многу среќен затоа што и Србите и Македонците во Северна Македонија се среќни за автокефалноста на Македонската православна црква.

Патријархот Порфириј препорача МПЦ сега да најде соодветно име.

Исто така, Патријархот Порфириј истакна дека црквата не може да биде оружје и дека не е оружје за постигнување други цели.

Патријархот Порфириј му го врачи томосот на Архиепископот Македонски и Охридски Стефан

Српскиот патријарх Порфириј денеска во Соборната црква во Белград на архиепископот...

По заедничката литургија на МПЦ-ОА и СПЦ во Скопје, патријархот Порфириј ја соопшти одлуката на Саборот кој „еднодушно излегол во пресрет на молбата на МПЦ-ОА“ и ја признал нејзината автокефалност.

Литургија во Соборниот храм во Белград, патријархот Порфириј ќе ѝ го врачи томосот на МПЦ-ОА

Во соборниот храм во Белград во тек е света архијерејска литургија која ја служат патријархот...