Следните неколку месеци ќе бидат многу тешки, но ќе сториме се што можеме за да им помогнеме на сите, рече италијанскиот премиер Џузепе Конте во писмото до Италијанците објавено денес во весникот „Лего“.

Земјата повторно се движи на внимателно и уредно, следејќи ги индикациите на владата, изјави Конте, објави Си-Ен-Ен.

Според него, ова се прави чекор по чекор, со претпазливост и внимание, со цел да се спречи паѓање и движење наназад. Италија повторно се движи, изјави Конте во писмото, потенцирајќи дека се зајакнати безбедносните мерки, кои вклучуваат физичко растојание и носење маски на јавни места и во јавен превоз.

Конте истакна дека Италија се соочува со најтешкиот тест во повоениот период.

Владата е целосно свесна за тоа и прави се што може за да ги задоволи потребите на секого што побрзо, рече италијанскиот премиер, осврнувајќи се на пакетот за економски стимули на кој владата работи, за поддршка на работниците и компаниите погодени од кризата со вирусот корона.

Си-Ен-Ен наведува дека спортски сали и спортски центри ќе бидат повторно отворени во Италија од 25 мај и дека на луѓето ќе им биде дозволено да патуваат надвор од нивните региони од 3 јуни.