Професорот Андреа Крисанти, микробиолог на Универзитетот во Падова, предупредува дека Италија, земјата која беше најпогодена од коронавирусот, би можела да се соочи со нов бран на пандемијата Ковид-19 уште во август.Според него вториот бран може да се случи многу порано, отколку најавеното во септември или октомври.

Поради професорот Крисанти, северниот регион на Италија, забележа релативно мал број заразени и мртви од Ковид-19, во споредба со соседните провинции. Тој е автор на успешниот модел за ограничување на ширењето на коронавирусот, т.н. „модел Венето“, кој се состоеше од масовно тестирање на граѓаните.

Според него, чудно е што Италија бележи релативно мал број заразени лица, додека ситуацијата во сите соседни земји е различна и бројот на инфицирани расте.

„Не би сакал да ширам песимизам, но имам некои дилеми. Можеби сме најдобри, но исто така е можно дека не тестираме како што треба”, предупредува професорот.

Како и претходно, и сега тој советува масовно тестирање на населението како превенција од втор бран на заразата.

По советот на професорот Андреа Крисанти со тестирање и ретестирање на сите 3.300 жители на градот Во, во близина на Венеција, без оглед на тоа дали покажувале симптоми, но и со ригорозен карантин на луѓето со кои тие контактирале кога ќе се потврдела инфекција, здравствените власти успеале целосно да го запрат ширењето на болеста таму.