Брзото менување на изборните правила, без политички консензус, на кој толку многу инсистираа кога беа во опозиција, може да биде само во полза на Заев.

Објавил: Сара Фемина | 8 ноември, 2019 14:56

КАРАКАМИШЕВА СО ЖЕЛБИ ЗА ИЗБОРИТЕ: Колку поголем хаос на изборите толку подобро за ЗАЕВ!

Фото/Текст извор: ©магазин.мк

Премиерот на Република Македонија Зоран Заев вчера изјави дека предлогот за една изборна единица ќе се донесе со консензус. 

Премиерот вели дека ако дојде до гласање во парламентот, се надева дека тоа ќе биде консензуално, но ако не е консензуално СДСМ ќе гласа за измена на изборниот модел. 

– Се надевам дека предлогот за една изборна единица ќе се донесе со консензус. Ние немаме како поинаку, ние ветивме, дадовме збор на граѓаните уште во кампањата во 2016. Ние веруваме во тоа. Веруваме и покрај тоа што знаеме дека големите партии губат, но добива демократијата. Ако дојде до гласање во парламентот јас се надевам дека тоа ќе биде консензуално, но ако не е консензуално СДСМ ќе гласа за измена на изборниот модел. Државната изборна комисија е подготвена, институциите се подготвени. Мислам дека има и Бадентерово мнозинство, не сум сигурен. Има 23 Албанци во парламентот а ДУИ има 10, каде се другите помалкубројни заедници. Ќе видиме на гласањето, се надевам дека ќе успее, а ако не успее ќе направи притисок за следниот пат за исчекор кон нов изборен модел – изјави Заев.

Додека пак Артан Груби  изјави дека политичките партии усогласиле измени на Изборниот законик, во кој не се предвидува промена на изборниот модел.

– Вчерашната средба, беше неформална средба на ентузијасти. Ние остануваме на формалниот состав кој што дискутира промени на изборниот законик и тоа е во рамките на Министерството за правда. Неделава имавме сите средба, и политички партии, невладините организации и меѓународни организации и веќе сме усогласиле текст на предлог-закон кој што во себе ги инкорпорирта сите препораки на ОБСЕ/ОДИХР од последните три изборни циклуси претседателски, локални избори и референдум и во тој предлог не се дискутира околу изборен модел – изјави Груби.

Професорката Тања Каракамишева после изјавата на Заев реагираше на социјалните мрежи, во која напиша дека брзото менување на изборните правила, без политички консензус, може да биде само во полза на Заев.

Колку поголем хаос на изборите толку подобро за Заев.
Брзото менување на изборните правила, без политички консензус, на кој толку многу инсистираа кога беа во опозиција, може да биде само во полза на Заев…вообичаено, давеникот се фаќа за сите сламки што му останаа на располагање, пишува Каракамишева.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Политика

Денеска Милошоски е повикан во Кривичниот суд за да ги предаде материјалите со кои располага, и кои јавно ги објави на прес- конференција.

Како ги добив така ги објавив снимките- Милошоски ги достави материјалите кај Рускоска

Пратеникот од ВМРО-ДПМНЕ, Антонио Милошоски за телевизија Алфа рече дека како што ги...