Владата предводена од Зоран Заев, успеа да потроши само 65 проценти од планираните пари за капитални инвестиции во 2018 година. Конечните податоци се објавени денеска и според нив, од ланскиот буџет биле потрошени 197 милиони евра или најмалку во последните десет години.

Владата за 2018 година од прво предвиде да потроши за капитални расходи 391 милион евра, а потоа со ребалансот оваа сума ја намали на 301 милион евра.
Од овие пари реализирани како капитални трошења се само 65 проценти или околу 197 милиони евра.

Ако не се направеше ребаланс на буџетот на нивото на реализирани  инвестиции ќе изнесуваше 50 проценти.
Ако се анализираат овие бројки за сите десет години наназад, излегува во случајот дека 2018 година е најлоша по овој показател.
Во 2017 година за инвестиции се потрошени 323 милиони евра, а во 2016 година сумата е 276 милиони евра а во 2015 година за трошоци биле потрошени  околу 303 милиони евра.
Сумата во 2014 година изнесува 286,5 милиони евра, во 2013 година е 270 милиони евра, додека во 2012 година капиталните трошоци се 305 милиони евра.