Со 102 гласа ЗА и ниту еден против, по кратка расправа беше разрешена Специјаланата јавна обвинителка, Катица Јанева, која се наоѓа во притвор.

Попладнево Катица Јанева беше разрешена за несовесно, незаконско и нестручно работење.

Претседателот на Собранието Талат Џафери ќе го достави Извештајот за разрешувањето на Јанева до Советот на јавни обвинители, кој исто така треба да констатира дека Јанева е сменета.

Илија Димовски и Никола Мицевски од ВМРО-ДПМНЕ му забележаа на Џафери дека требало побрзо да ја закаже седницата за разрешување, а тој им одговори дека го чекал исходот од лидерската средба за Законот за јавно обвинителство. 

Таа е осомничена дека посредувала во Рекет односно дека му го олеснила статусот на осомничениот бизнисмен Јордан Камчев во случајот „Империја“ за што прибавила материјална корист. Јанева веќе 2о дена е во притвор во Шутка.