Византиски игри на власта

Објавил: Узунов Бобан | 6 септември, 2019 8:39

Катица Јанева ја активира оставката, власта ги заобиколува и законот и опозицијата ?!

Фото/Текст извор: ©магазин

Комисијата за прашањата на изборите и именувањата без дискусија со едногласна одлука го утврди предлогот до Собранието Катица Јанева да биде разрешена од функцијата специјална јавна обвинителка поради несовесно, нестручно и незаконито раководење со институцијата Специјално јавно обвинителство. Но како што јавија дел од медиумите вчера попладнето Јанева доставила писмо од затворот за активирање на поднесената оставка од 15 јули.

До крајот на вчерашниот работен ден, до Советот на јавни обвинители дописот не беше пристигнат, но денеска, како што рече претседателот на Советот, Ацо Колевски, е можно да дојде и тие веднаш ќе ја разгледаат оставката и ќе одлучат како би постапиле. 


Според  одредени експерти наредбата на Катица Јанева дадена од пртивор за префрлање на предметите од СЈО во Јавното обвинителство е во координација со власта за да се заобиколат законските процедури при изборот на нов јавен обвинител а со тоа да се минираат и преговорите со опозицијата.

 

Јанева поднесе условна оставка на 15 јули, на денот кога беше уапсен Бојан Јовановски за случајот „Рекет“, а која требаше да биде активирана кога ќе се избере нов специјален обвинител.

Праќањето на писмото е откако собраниската Комисија за прашања на изборите и именувањата едногласно донесе одлука на Собранието да му препорача разрешување на Јанева поради несовесно, нестручно и незаконито раководење со институцијата.

Претседателот на Комисијата Илија Димовски изрази очекување дека наскоро ќе биде свикана пленарна седница, како и дека на собраниската седница одлуката ќе биде едногласна како што било случај и на седницата на комисијата.

За предлогот за разрешување на специјалната обвинителка Комисијата одлучуваше зад затворени врати.

Покрај Димовски, се огласи и претеникот од СДСМ, Мухамед Зекири, кој изрази надеж дека брзо ќе заврши истрагата и ќе почне судскиот процес во кој виновните ќе одговараат, а шпекулациите и маглата ќе биде расчистена.

Тој не жали што дал поддршка за СЈО, бидејќи како што рече, вината е индивидуална, а не колективна. Ако еден се огрешил од законот, истакна Зекири не може да и се суди на цела институција. Сепак, се согласува дека Јанева ги разочарала сите од кои добила поддршка вклучувајќи ги и граѓаните.

Покрај Јанева, за случајот „Рекет“ се осоничени и Бојан Јовановски – Боки 13 и Зоран Милевски – Кичеец.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Актуелно

Висината, сумата на надоместокот не се открива бидејќи е службена тајна и се исплатува врз основа на доверливи договори потпишани со сите чија задача е преслушување на бомбите, односно нелегално снимените телефонски разговори.

КОД открива: Јанева земала плата од 105.000 денари плус таен надоместок, Јовевски 80 илјади денари

Шокантни детали откива емисијата „Код“ за специјалните јавни обвинители, кои добивале...

Во Кавадарци не издржала ниту 2 часа, а во Неготино целосно исчезнала за 24 часа, а за Прилеп до сега нема информација дали револтираните граѓани извршиле герилска акција.

Двојазични табли во Неготино, Кавадарци и Прилеп – ВЕТУВАЊЕТО НА ЗАЕВ НЕ ВАЖИ!

Покрај Неготино, двојазичните табли биле поставени на Фондовите за пензиско и инвалидско...