Поранешниот новинар актуелен директор на Телма телевизија, Атанас Кировски преку социјалните мрежи го коментираше зголемувањето на даноците, кое го воведува Владата.

Прогресивниот данок и покрај сите укажувања од страна на јавноста на бизнис заедницата и на граѓаните дека тоа во овој момент за Република Македонија е погрешна мерка сепак ќе биде воведен, најави претходно министерот за финансии Тевдовски.

Кировски кој важи за близок до политиките на СДСМ, на социјалните мрежи напиша:

Ова со даночнава реформа, е таков автогол на СДСМ за кој изгледа сеуште не се ни свесни. Ќарот во буџетот ќе биде минимален, и бездруго помал и од ситните суми кои ги проектираат, а штетата енормна,

Посебна приказна се даноците на се што оди како приход, па дури и на девизните заштеди над 15.000 денари?!

Постариве луѓе и сиромаштијата што оставила некој денар за не дај боже, да ги даночиш е според маалскиот принцип кого удрам не жалам.

Мислам дека не е лошо уште еднаш да размислат, ама без Тевдовски, човекот е тотално изгубен во времето и просторот. – напиша Кировски.