Комити побараа од Самсоненко да одговори на прашањата околу иднината на клубот.

Објавил: Катерина Крстиќ | 11 мај, 2020 10:04

КОМИТИ ДО САМСОНЕНКО: Бараме одговор за иднината на “ВАРДАР”, сакаме чесност и одговорност!

Фото/Текст извор: ©магазин.мк

Преку соопштение до јавноста јајголемите поддржувачи и најгласните навивачи на ВАРДАР, Комити се огласија во пресрет на клучната недела за црно црвените, околу подмирувањето на долговите за да се извади евролиценца и втора година да не извиси клубот од настап во Европа (сега во ЛШ). Комити побараа чесност и транспарентност од рускиот бизнисмен Сергеј Самсоненко околу ситуацијата и разврската со црвено-црните.

Комити побараа од Самсоненко да одговори на прашањата околу иднината на клубот.

Соопштението на КОМИТИ го пренесуваме во целост.

„Се огласуваме по повод наближувањето на последниот рок за регулирање на состојбите во ФК Вардар. Состојби кои од една страна можат да значат перспективна иднина со нови можности за Европски настапи и славен крај на сезоната крунисана со титула, тогаш кога сите на почетокот не отпишаа, или пак од друга – враќање на црните денови на неизвесност, тапкајќи во место, затворени во бесперспективност во рамките на нашата скромна лига.Ние покажавме дека сме со клубот во славните денови, кога редиме победи и титули, но и кога бевме на работ на амбисот и можноста за исчезнување (барем времено) од фудбалската мапа…нешто слично што ни прети и денес доколку нештата не тргнат и завршат во вистински правец до крајот на следната недела.

РК „Вардар“ е убедливо најтрофејниот машки ракометен клуб во Македонија, со освоени бројни трофеи во првенството и во купот. Во сезоната 2013/2014, клубот добил нова раководна структура: Нов сопственик на клубот стана Сергеј Самсоненко, а Михајло Михајловски стана почесен претседател.

Чесни сме цело време, во свој стил но се трудиме да бидеме додадена вредност во клубот, и на секој начин да помогнеме заедно да бидеме на висините на предизвиците, и повеќе од тоа, но и притоа со нашиот препознатлив темперамент и жестина на трибина на никаков начин не му наштетиме на клубот во кој сме заљубени.

Имаме право да знаеме што се случува во нашиот клуб, но кога ќе прашаме, никој не е доволно компетентен да каже, никој освен едно лице, човекот кој го повикавме самите да влезе во клубот откако покажа дека носи успех и долгорочна стабилност особено во Ракометниот клуб Вардар. И така и беше, до клубот доживеавме да влеземе во групна фаза од официјално Европско натпреварување – Уефа лигата, по славната и неповторлива елиминација на големиот Фенербахче, со победа на жешкиот терен во Истанбул. Со ракометниот клуб доживеавме да подигнеме две Европски Шампионски титули, значи ДВЕ!

Долго имаме моменти на несреденост во Фудбалскиот клуб, и пехови, казни, неможност за играње во Европа, тешко ни падна но не се истрчавме да бидеме критичари плус и капак на ионака лошите ситуации, туку на клубот му подаривме уште повеќе љубов, но и лојалност, бевме и секогаш ќе бидеме спремни да претрпиме удари, доколку е за доброто на клубот. Никогаш нема да го оставиме Вардар без оглед на се ! Па затоа бараме чесност и од човекот од кого зависат нештата, транспарентност од Господинот Сергеј Самсоненко.

До сега нашата верба не беше изневерена, иако се движиме на работ, и иако од таму се демонстрира неизвесност каква не доликува на клуб кој го носи тоа свето име ВАРДАР !

Бараме одговор !

Вардар секогаш бил, е, и ќе биде, но дали мислите дека треба повторно да докажуваме дека тоа е така, со евентуалното овојпат долгорочно унаказување на клубот и повторно неиграње во Европа? Ние велиме не !

Бараме позитивен исход !

Постојат луѓе кои го посакуваат тоа несреќно сценарио, но постои голема Црвено – Црна Армија која очекува да се огласите што поскоро, и со позитивни вести!“, се вели во реакцијата на Комити.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Ракомет

Еден од ракометарите на „вардарци“ во изминатите денови покажал симптоми на болеста, а по тестирањето добил позитивен резултат, по што се наоѓа во самоизолација.

Коронавирусот се врати во РК Вардар!

Лоша вест за РК Вардар – коронавирусот се врати во редовите на актуелниот европски...

Ова ќе значи и прекин на групата Б во следните 15 дена, а се очекува во следниве денови да бидат тестирани и ракометари на екипи, кои во изминатиот период играа натпревари против Работнички.

Шеснаесет ракометари на Работнички заразени со корона

Вкупно 16 ракометари се заразени со ковид-19 во редовите на Работнички. Сите се наоѓаат...

Мојсоски седнува на оваа функција на местото на Дарко Каевски, кој стана пратеник во Собранието, и не може да извршува две функции истовремено.

Наумче Мојсоски е новиот директор на Агенцијата за млади и спорт

Поранешниот македонски репрезентативец во ракомет, Наумче Мојсоски, ќе биде новиот...

Веста ја откри тренерот на ракометниот клуб Вардар,  Стевче Алушовски, а доаѓа само четири дена пред дуелот со Нексе во четвртфиналето во СЕХА-лигата.

Стојанче Стоилов позитивен на коронавирус

Капитенот на македонскиот ракометен првак Вардар, Стојанче Стоилов е позитивен на...