Потрес во фудбалскиот свет

Објавил: Узунов Бобан | 18 јуни, 2019 11:31

Кој е Мишел Платини, легенда која неславно заврши во фудбалскиот свет !

Фото/Текст извор: ©магазин

Поранешниот прв човек на УЕФА и фудбалска легенда на Франција, Мишел Платини е уапсен поради корупција и доделување на организацијата на Светското првенство во 2022 на Катар.

Во текот на својата професионална фудбалска кариера, Платини играл за три клубови Нанси, Сент Етјен и Јувентус и бил член на репрезентацијата на Франција која триумфирала на Европското првенство во фудбал 1984-тата, турнир на кој тој бил најдобар стрелец и прогласен за најдобар играч. Тој, исто така учествувал на три Светски првенства во 1978, 1982 и 1986, и стигнал до полуфиналето на последните две. Платини, Алан Жирес, Луј Фернандез и Жан Тигана заедно го сочинувале познатиот таканаречен “Магичен квадрат” (на француски:”carré magique”) во средината на теренот и играчи кои го формирале срцето на францускиот национален тим во текот на 1980-тите.

Мишел Франсоа Платини роден на 21 јуни 1955) е поранешен француски фудбалер и тренер и поранешен претседател на УЕФА. Тој бил прв играч во историјата кој успеал да ја освои наградата за Најдобар фудбалер на Европа три години по ред, а во 1999 бил избран за седми најдобар фудбалер на 20. век во изборот на IFFHS.


Платини се смета за еден од најдобрите додавачи во историјата на фудбалот, како и за еден од најдобрите изведувачи на слободни удари и играч со феномален завршен удар. Тој го држи рекордот за најмногу постигнати голови (9) на завршницата на Европските првенстваиако учествувал само на еден ваков турнир во 1984 година. И покрај тоа што важеше за играч од средниот ред, тој истотака го држел и рекордот за ннајмногу постигнати голови во националниот тим се додека напаѓачот Тјери Анри не ја надминал бројката од 41 постигнат погодок во 2007 година.

Тој бил и тренер на францускиот национален тим четири години, како и ко-организатор на Светското првенство 1998 во Франција.


Одлуката мундијалот во 2022 да му се додели на Катар беше прилично изненадувачка, и за многу кратко време почнаа да се шират гласини за нечесни игри при доделувањето на организацијата.

Неколку угледни весници направија истражување и објавија дека СП 2022 било „купено“ а за ова помогнале тогашниот претседател на Франција, Никола Саркози и тогашниот прв човек на УЕФА, Мишел Платини.

Во Франција беше отворена истрага за корупција, а како дел од процесот, денеска е приведен токму Мишел Платини. Поранешниот прв човек на европската куќа на фудбалот утрово бил на распит во Париз и обвинителството решило да го смести зад решетки.

На разговор бил и поранешниот близок соработник на Никола Саркози, Клод Геан но тој во моментов е на слобода.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Од 2001 година има работено кај тогашниот претседател на државата Бранко Црвенковски, во одделот за странски делегации, потоа кај актуелниот министерот за внатрешни работи Оливер Спасовски.

Полициски началници му возвраќаат на директорот на БЈБ: Бараат извинување од Тасевски!

Мешањето на политиката во работењето на Министерството за внатрешни работи во време...

И покрај строгото почитување на мерките и минималните контакти со луѓе, сакам да ве информирам дека јас заедно со сопругата и мојата три месечна ќерка сме позитивни на тестирањето за КОВИД 19.

Мухамед Зекири позитивен на КОВИД-19

Потпретседателот на СДСМ, Мухамед Зекири, ја информираше јавноста дека е позитивен...