Сеуште под шпекулации е анонимната дојава дека советници, печатница, кафе бар и агенција за обезбедување печателе фалц билети, надвор останала и мајката Кирил Лазаров

Објавил: Мартин Попоски | 1 ноември, 2018 9:44

Кој се е вмешан во нелегално пуштање во продажба на билети за натпреварот Македонија и Турција?

Фото/Текст извор: ©online/магазин.мк

По медиумите низ Македонија пристига текст, за тоа, што точно се случувало пред и на 25 октомври во Битола, пред натпреварот помеѓу ракометните репрезентации на Македонија и Турција.

Како што информиравме и покрај уредно купените билети, над 800 битолчани останаа пред салата “Боро Чурлевски” во Битола и натпреварот помеѓу  ракометните репрезентации на Македонија и Турција го проследија преку своите телефони.

Како што пишува во текстот, една печатница од Битола, двајца советници во советот на општина Битола, брат на еден советник во советот на општина Битола, вработени лица во една агенција за обезбедување во Битола и вработени лица на кафе бар од Битола се вмешани во наводниот криминал кој се случил пред натпреварот на Македонија и Турција.

Во продолжение во целост ви го презентираме текстот кој пристигнал до бројни редакции но мал број го објавиле:

Во Четвртокот на 25 октомври со почеток во 20 часот и 15 минути во спортската сала “Боро Чурлевски” – Битола по скоро 14 години се одигра ракометен натпревар со репрезентативен предзнак помеѓу репрезентациите на Република Македонија и Република Турција, на кој нашата репрезентација успеа да победи и да остани непоразена во Битола.

Натпреварот се одвиваше во одлична спортска атмосфера и целосна доминација на Македонската репрезентација. Трибините беа преполни, а навивањето беше беспрекорно, онака како што му доликува на Битола и на најстарата навивачка група Чкембари

Она што фрли сенка на натпреварот и се друго беше тоа што околу 800 гледачи, вклучувајќи ја и мајката на нашиот капитен Кирил Лазаров, со купени билети, некои од нив тврдат дека билети купиле и по цена од 750 денари, а цената стигнала и до 800 денари, останаа надвор и натпреварот го следеа на своите телефони преку интернет.

Натпреварот помеѓу репрезентациите на Македонија и Турција беше закажан за на 25т Октомври, а по барање и инсистирање на турската ракометна федерација, натпреварот се одигра во Битола, каде ракометната репрезентација досега не знае за пораз, а најверојатно и така ќе остане уште долго време.

Организацијата на овој ракометен спектакл го превзеде општина Битола, а потоа го делегира на одговорните лица на РК Пелистер.

Првиот симптом кој најави дека нешто не оди како што треба, беше тоа што билетите за натпреварот не се печатеа во печатницата во која вообичаено се печатат влезниците за натпреварите на РК Пелистер, а во истата печатница се печатеше и кореографијата за натпреварот. 

Влезниците беа испечатени во друга невообичаена печатница, на хартија со лош квалитет и без никаква заштита, од видот жиг, лента, а дури и не беа ни перфорирани со издвоено место за контрола на тикетот, кој при влезот треба вообичаено да се отстрани. Сума сумарум билетите беа како створени за фалсификување.

Ракометната федерација на Македонија уште вечерта се огради од настанатите проблеми и како за одговорен за настанатата збунка ги посочи одговорните од управата на РК Пелистер. И така испадна.

По кратко истражување откриена е мрежата и во наредните денови ќе се обидеме да го расфетлиме случајот во кој се препоставува дека е направена измама од помеѓу 120.000 денари и 640.000, без да се пресмета штетата која е направена врз Битола  со тоа што најверојатно еден добар период нема да има можност да организира репрезентативен ракомет.

Во целата оваа потенцијална измама се претпоставува дека се замешани: една печатница од Битола, двајца советници во советот на општина Битола, брат на еден советник во советот на општина Битола, вработени лица во една агенција за обезбедување во Битола и вработени лица на кафе бар од Битола.  

Се надеваме дека во скоро време ќе дојде до расфетлување на случајот и еднаш за секогаш ќе се стави крај на ваквите измами.

Магазин.мк извести дека невообичаено голем број навивачи и љубитеи на спортот за време на настанот и покрај уредното поседување билет не биле пуштени во спортската сала во Битола.

Скандал: Над 1.000 битолчани гледаа ракомет на мобилни со полициска придружба

*Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Актуелно

Македонија ќе ја има привилегијата да биде домаќин на кампот на Фондацијата на најтрофејниот клуб на планетата, Реал Мадрид, од 14-ти до 18-ти јануари.

После кафанските трошоци општина Охрид се фати и за работа?

Македонија ќе ја има привилегијата да биде домаќин на кампот на Фондацијата на најтрофејниот...

Македонските репрезентативци со злато се вратија во Македонија,после своите успешни победи во Германија. Гордост и успех за Македонскиот спорт.

Македонските хокеари со 5 златни победи се вратија од Германија

Македонските репрезентативци испишаа историски резултат и победа откако го освоија IIHF...

Грчката провокација премолчена од македонската ракометна федерација, FYR е кратенка на непостоечка држава, или сме FYROM согласно времената спогодба или сме MKD

Грчката телевизија по “налог” не (пре)именува во FYR

По реакција и барање на ЕРТ променета кратенката МКД на вчерашниот ракометен натпревар,...

Спортската јавност од фелата на боречки спортови и вештини е згрозена од чинот на доделување високо признание, црн појас на премиерот Заев кој нема спортска историја

Црн појас во џудо за Заев, спортистите гневни на чинот

Џудо Федерацијата на Македонија, му доделила почесен црн појас на премиерот Зоран...