Во Бразил, 855 лица починаа од последиците на вирусот корона во изминатите 24 часа, со што вкупниот број на смртни случаи достигна 119.504, објави Министерството за здравство на таа земја.

Бразил исто така забележа 43.412 нови случаи на коронавирус. Вкупно 3.804.803 лица досега биле заразени со вирусот корона во Бразил, пренесува Ројтерс.

Бразил е на второ место во светот според бројот на заразени и умрени од последиците на вирусот корона, по САД, кои имаат повеќе од шест милиони заразени и над 185.000 смртни случаи.

ПЕРУ

Перуанските власти ја продолжија вонредната состојба прогласена поради епидемијата на вирусот корона до 30 септември, објави државниот весник „Перуано“.

Според таа одлука, мерката за забрана за излегување ќе остане на сила во оние области каде што е регистрирано зголемување на бројот на заразени лица, пренесува агенцијата ТАС С.

На граѓаните им е дозволено да ги напуштат своите домови само во најнеопходните ситуации од понеделник до сабота. Во недела, и за време на полицискиот час, кој трае од 20 до 4 часот наутро, сите мора да останат дома.

Перуанскиот претседател Мартин Вискара прогласи вонредна состојба во земјата кон средината на март, поради епидемијата на вирусот корона. Оттогаш, властите ја продолжуваа вонредната состојба неколку пати.

Според перуанското Министерство за здравство, повеќе од 620.000 лица биле заразени, а 28.000 починале.

http://https://www.youtube.com/watch?v=tTLGzpAYf54&feature=emb_title