Министерката за внатрешни работи Лусијана Ламорсе изјави дека Италија се однесувала добро за време на велигденските празници, дека бројот на оние што го нарушиле ограничувачкиот ред бил релативно мал и како што рече, „физиолошки по природа“.

Податоците за бројот на заразени, хоспитализирани и починати од коронавирусна инфекција во Италија варираат од ден на ден, но генерално паѓаат во последните 10 дена, а сите податоци одат во добра насока.

По скоро еден месец бројот на дневни жртви е помал е од 500, се намалува и бројот на заразени, тешки и благи случаи на инфекција, а се зголемува и бројот на закрепени.

Во последните 24 часа имало 1.984 нови случаи на инфекција, се намалува бројот на пациенти со интензивна нега, 38 помалку, 297 хоспитализации и 431 смртни случаи во последните 24 часа, што е најниско од 18 март.

 Во „црвената зона“ од Ломбардија од епидемијата починаа 110 луѓе во последните 24 часа, сè уште многу, но има јасен пад во споредба со најлошите денови на епидемијата, при што дневно умираат 700 луѓе.

Кубанскиот авион „Бригада Хенри Рив“ со 21 лекари и 16 медицински сестри доаѓаат денес на аеродромот во Торино за да и помогнат на Италија во борбата против коронавирусот.

„Нашата благодарност оди пред сè на Куба и на здравствените работници кои се согласија да ни помогнат во ова тешко време“, рече претседателот на регионот, член на десничарската партија Лега Норд, Алберто Кирио.