Мировната мисија на ОН предводена од НАТО на Косово (КФОР) соопшти дека внимателно ги следи настаните на северот на покраината и додаде дека е во близок контакт со претставниците на Приштина и српските сили, пренесува „Репортери“.

Според „Репортери“, од КФОР не одговориле дали ќе учествуваат во отстранувањето на барикадите на северот.

КФОР останува исклучително буден и целосно способен да го спроведе својот мандат на ОН за обезбедување безбедна средина и слобода на движење за сите заедници кои живеат на Косово.

Тоа вклучува зголемување на патролите на северот на Косово, во тесна соработка со косовската полиција и ЕУЛЕКС“, се наведува во соопштението.

Барикадите на Србите кои протестираат поради апсењето на поранешниот полицаец Дејан Пантиќ влегуваат во својот петти ден.

Северот на Косово исто така беше блокиран од косовската полиција, а преминувањето на премините Брњак и Јариње не може ниту пеш, пренесува Танјуг.