Прва награда за Кокан Димушевски на биеналето Тактонс во конкуренција на 120 изведувачи

Објавил: Македонка Димкин | 11 декември, 2019 22:38

Легендата од Леб и Сол, Кокан Димушевски покажа што знае!

Фото/Текст извор: ©онлине / магазин

На седумнаесетото по ред, културно меѓународно биенале Тактонс во Нови Сад, најважниот настан за тон мајсторите од регионот, македонскиот композитор, продуцент и клавијатурист Кокан Димушевски, повторно е добитник на првата награда, во силна конкуренција од преку 120 врвни изведувачи.

Пред престижната награда на Тактонс, оваа година Сојузот на композиторите на Македонија – СОКОМ на Кокан Димушевски му ја додели и наградата за животно дело „Трајко Прокопиев“. Истата претставува највисоко професионално признание кое СОКОМ го доделува на музички творци и музички писатели за долгогодишни значајни остварувања во областа на музичкото творештво и музикологијата.

Во организација на Радио Телевизизија Војводина, од 6 до 9 ноември, учество зедоа најзначајните РТВ центри од Европа, најдобрите тон мајстори со своите тонски снимки. Кокан Димушевски, за разлика од останатите, го покажа своето повеќедимензионално творештво – не само како тон мајстор, туку и како автор на дело и како изведувач.

Оваа награда за него е петта по ред, односно во изминатите 10 години тој во континуитет е добитник на прва награда или гранд при на ова значајно музичко случување. Тактонс, се одржува од 1983-тата година. На секои две години им овозможува на најуспешните тон мајстори од Европа, професионално вреднување на техничкиот квалитет на звучните записи врз основа на однапред единствено дефинираните субјективни и објективни параметри.

Како најнаградуван продуцентДимушевски беше поканет да одржи работилница и да ги презентира своите достигнувања на полето на креативната примена на современите технологии во областа на радиото и телевизијата. Успехот на овој сестран музичар го вреднуваа и Би-Би-Си и Радио Франција кои му доделија плакети за неговите заслуги на полето на радиофонското обликување.

 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Музика

Тоше, мене, дете бегалец од Босна во далечната дијаспора, ми донесе топлина од родната земја, топлина на најубавите човечки вредности

Исповед на Босанец: ТОШЕ ти со твојата љубов го започна помирување на сите луѓе од поранешна Југославија

Тоше … Тошка, брате мој, никогаш не прежален… те жалам како свој брат веќе 8 1/2 години...

Иако основачите на бендот Мик Џегер и Кит Ричардс се сметаат за едни од најголемите текстописци во популарната музика, бендот никогаш не престанал да биде инспириран и од другите жанрови. Реге, панк, и денс музика, сите жанрови наоѓаат место на нивните плочи.

“Ролинг Стоунс” на врвот до славата со Мик Џегер кој и во својата 76 година крши женски срца

На почетокот на нивната кариера тие свиреле преработки на блуз, ритам и блуз, кантри...

На 11 Февруари, Хјустон беше пронајдена без свест во сопствената соба 434 во хотелот Беверли Хилтон, потопена во кадата; подоцна беше прогласена за мртва.

ТАЖНАТА И СЛАВНАТА ПРИКАЗНА НА ВИТНИ ХЈУСТОН: Слава, марихуана и кокаин

Витни Елизабет Хјустон беше американски изведувач, актерка, продуцент и модел. Во 2009...