Превкусно макало од печени пиперки.

Објавил: Сара Фемина | 27 април, 2019 23:35

Макало од печени пиперки, лук и ореви (Видео)

Фото/Текст извор: ©мои рецепти

Ова е едноставно макало кое можете да го подготвите и да го чувате во фрижидер – можете да користите и црвени пиперки од тегла, или пак сами да ги испечете.

Ова макало го комбинираме со зачинети пица стапчиња кои имаат одличен вкус.

Ова превкусно макало од печени пиперки, лук и ореви е одлична комбинација со свинско или телешко месо. 

За МАКАЛОТО ќе ви треба:

100 грама ореви

225 грама печени црвени пиперки

1 супена лажица доматно пире

1 лажичка кумин

1 лажичка црвен пипер

6 супени лажици маслиново масло

1 чешне лук

1 супена лажица сок од лимон

1 супена лажица вински оцет

 

За ТЕСТОТО ЗА ПИЦА

175 грама брашно

1 лажичка сол

1 лажичка квасец

½ лажичка шеќер

1 супена лажица маслиново масло

1 супена лажица мелени суви лути пиперки

1 супена лажица сусам

Подготовка
Чекор 1: Подготовката на ова макало е толку едноставна – ставете сè во еден сад и со убав блендер добро измешајте ги сите состојки додека да добиете хомогена смеса, но внимавајте да не претерате. Сакаме да задржиме дел од текстурата на состојките. Зачувајте малку мелени или сечкани ореви за украсување.
Чекор 2: За да се направи тестото за стапчињата, квасецот помешајте го со шеќер, топла вода и маслиново масло и оставете го 10 минути да отстои.
Чекор 3: Измешајте го брашното со сувите пиперки и потоа додадете ја водата со квасецот и сè убаво измешајте. Извадете ја смесата од садот на работната маса, доколку имате потреба убаво да ја измесите. Проверете дали сувите лути пиперчиња се убаво распространети низ тестото и оставете го на топло место да стаса 1 час.
Чекор 4: Откако тестото ќе стаса ставете го на работната маса и расукајте го заедно со сусамот. Ние се трудиме да добиеме кружна форма.
Чекор 5: Загрејте ја тавата на максимум и испечете го од двете страни. Потоа исечете го на ленти за да можете да се послужите од макалото.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Рецепти