Македонија ја победи Малта со 2:0, шансите за второто место остануваат

Она што се чинеше како невозможно по поразот од Украина и по дебаклот од Англија сега е реалност.

Фото/Текст извор: ©МТВ

Македонија повторно е во игра за второто место.

Она што се чинеше како невозможно по поразот од Украина и по дебаклот од Англија сега е реалност. Синоќа Македонија против Малта одигра рутински, на резултат, колку што беше потребно и славеше со головите на Елмас и Манев. Со седум бодови, колку што имаат и Украина и Италија влегуваме во дуели со истите противници на гости.

Прво играме во октомври со Украина во Прага и од тој резултат ќе зависи дали шансите за второто место ќе останат. Да се потсетиме, во Скопје Украина не победи откако во првото полувреме ние водевме со 1:0, така што во Прага ќе мора да одиме на победа.

По мечот со Украина, ни следи натпреварот со Англија во Скопје која е убедливо прва во групата со 13 бодови.

Во другиот меч, Италија вчера ја победи Украина со 2:1.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.