И градоначалникот на Крушево, Томе Христоски ни истакна дека општината ќе помогне финансиски за транспорт на телото!

Објавил: Перо Милчин | 4 јануари, 2021 14:16

Македонски камионџија почина во Холандија: Потребна е финансиска помош за неговото семејство

Фото/Текст извор: ©фокус

Крушевчанецот Тодор Ѓорѓиески почина во саботата во Холандија, а транспортот на неговото тело во Крушево да биде погребано ќе чини многу. Како што не информираа од семејството, сопственикот на фирмата во која работел Ѓорѓиески ќе го плати транспортот, но потребни се финансии и за други трошоци.

На социјалната мрежа Фејсбук отворена е донација од Игор Јованов, кој работи во транспорт во Шведска, со лимит од високи 36.207 долари (29.455 евра). Како што вели тој, таа бројка е толкава со цел што побрзо да бидат собрани парите и предадени на семејството.

„Пораката ја добив од македонски возачи дека Тоше починал во странство и решивме барем на овој начин да помогнеме на фамилијата. Јас Ѓориески не го познавам лично, но сакам да помогнам. Тоа е најмалку што можеме да го направиме“, ни изјави Јованов за „Фокус“.

И градоначалникот на Крушево, Томе Христоски ни истакна дека општината ќе помогне финансиски за транспорт на телото.

„Ние ќе помогнеме финансиски исто така, сумата се уште не е утврдена, но ќе биде позната во наредните денови. Тука се и сите спортски организации, комуналното претпријатие, сите хумани граѓани“, рече Христоски.

Ѓорѓиоски почина на 54-годишна возраст, а долги години беше спортски активен најпрво како одбојкар, а подоцна и како одбојкарски тренер во Крушево. Последните неколку години работеше во транспортот ширум Европа.

За трошоците кои се потребни за да биде погребан Ѓорѓиески, може да донирате средства на овој ЛИНК

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Трагедија

Станува збор за дете кое имало неколку тешки заболувања, пред една година врз малиот пациент биле направени повеќе операции, тоа имало тумор на мозок, хидроцефулус, вродена непроодност на цревата за што се направени повеќе хируршки интервенции.

Почина две годишно дете на Клиниката детска хирургија

УК за Детска хирургија во Скопје, до Центарот за социјални грижи и до СВР Скопје пријави...

-Сочувство до семејствата и роднините на починатите во страшната трагедија во Ковид-центарот во Тетово. На повредените им посакувам успешно закрепнување, напиша претседателот Пендаровски на Фејсбук.

Пендаровски: Сочувство до семејствата на починатите, на повредените им посакувам закрепнување

Претседателот Стево Пендаровски на својот фејсбук профил изрази сочувство до семејствата...