Францускиот претседател Емануел Макрон денеска се заложи за буџетска солидарност во Европската унија во борбата против коронавирусите и истакна дека „Европа не смее да биде себична“.

Во интервјуто со водечките италијански дневни весници, тој предупреди дека сегашната криза не може да се надмине без европска солидарност во однос на здравството и буџетот, пренесува италијански Ла Стампа.

„Франција е тука да и помогне на Италија, истакна Макрон.

Истакнувајќи дека многу се зборува за кинеската и руската помош за Италија, тој го постави прашањето зошто никој не вели дека Франција и Германија ја снабдувале Италија со два милиони маски и десетици илјади заштитни костуми.

Тој рече дека можеби не беше доволно, но сепак беше почеток.

„Не смееме да си дозволиме да бидеме отруени од она што го велат нашите меѓународни партнери и конкуренти“, рече францускиот претседател.