Гафот кој наиде на огромно исмевање низ Македонија, и милионски твитови и ФБ постови, за неспособноста на протоколот на Владата на Македонија, да ги распознае разликите на знамињата на Австрија и Латвија, при денешната посета на Автрискиот Канцелар, Себастијан Курц, при што се интонираше химна на една земја, а се вееше знаме да сосема друга, како медиум ни дава обврска да ви помогнеме.

Имено како што е најавено, во проектот – поддршка на странски државници за реализација на успешен референдум за промена на името и негирање на постоењето на Македонската нација, што е кривично дело, како мешање на странски дипломати и државници во внатрешните работи на суверена држава, но и казнено по Кривичен законик како агитирање на странски државјани во процес на гласање, избори или референдумско изјаснување, утре ни доаѓа Меркел.

Ние решивме да ви помогнеме. 

Лево горе е знамето на Сојузна Република Германија, држава која е постара од Република Македонија 1 година и 6 месеци. Ангела Меркел е Канцеларка што е именител за функцијата премиер на Сојузна Република Германија. 

Знамето долу лево е на Кралството Белгија. Белгија има мешано општествено уредување. Таа е монархија со демократско владеење на народот т.е. парламентот.

Од Белгија никој утре нема да дојде во Република Македонија. 

Ве молиме информациите со сликовитиот приказ да ги испечатите на печатар во боја и истите да ги распределите низ сите ресорни министерства и Пи Ар служби.

За нашиот вложен труд и одвоено време да ви помогнеме да не ни ја срамите државата, нема да ви доставиме фактура.