МВР поднесе кривична пријава против внуците на Али Ахмети, Дрин Ахмети и Бесиан Ахмети поради сомнежи за злоупотреба на концесијата за рудник кај Кичево.

Освен Дрин Ахмети, кој е управител на компанијата од Кичево од 2017 до сега, со пријавата за „злоупотреба на службена положба и овластување“ опфатен е и неговиот брат Бесиан Ахмети, кој бил управител на фирмата од 2008 до 2017 година.

Сватовите на Али Ахмети со најголеми добивки од бизнисите во Кичево

– Во период од 2016 година до 2023 година кривично пријавените постапиле спротивно на Закон за минерaлни суровини и договорот за концесија за експлоатација на локалитет во општина Зајас, склучен меѓу правното лице и владата, претставувана од страна на тогашниот министер за економија. Истите биле должни да плаќаат точно утврден годишен надоместок за користење на просторот кој бил доделен со концесија за експлоатација и надоместок за експлоатирана количина на минерална суровина, и како потписници на сметка на правниот субјект исплатиле помалку концесиски надоместоци во вкупен износ од 1,6 милиони денари, при што предизвикале штета и на буџетот., соопштија од МВР.

Пријави за несовесно работење има и за неколку вработени во Министерството за економија кои биле должни да вршат надзор на концесијата.